નાફેડ અને એનસીસીએફને આંધ્ર પ્રદેશ, કર્ણાટક અને મહારાષ્ટ્રમાંથી સસ્તા ભાવે ટમેટાં ખરીદી જ્યાં ભાવ વધુ છે તેવા રાજ્યોમાં વેચાણ કરશે
છેલ્લા કેટલાક દિવસોથી ટામેટાના ભાવ આસમાને પહોંચી રહ્યા છે. મોંઘવારી સામે ઝઝૂમી રહેલા લોકો માટે સરકાર હરકતમાં આવી છે. આ માટે કેન્દ્ર સરકારે આયોજન ઘડી કાઢ્યું છે. ગ્રાહક બાબતોના મંત્રાલયે આ નિર્દેશ જાહેર કર્યો છે. કેન્દ્રએ બુધવારે સહકારી સંસ્થાઓ નાફેડ અને એનસીસીએફને આંધ્ર પ્રદેશ, કર્ણાટક અને મહારાષ્ટ્રમાંથી ટામેટાં ખરીદવા અને મુખ્ય વપરાશ કેન્દ્રોમાં તેનું વિતરણ કરવાનો નિર્દેશ આપ્યો છે. શુક્રવારથી દિલ્હી-એનસીઆર ક્ષેત્રમાં છૂટક આઉટલેટ્સ દ્વારા ગ્રાહકોને ઓછા દરે ટામેટાં આપવામાં આવશે.
ટામેટાના વધતા ભાવને અંકુશમાં લેવા માટે સરકારે નેશનલ એગ્રીકલ્ચરલ કોઓપરેટિવ માર્કેટિંગ ફેડરેશન અને નેશનલ કોર્પોરેટ કન્ઝ્યુમર ફોરમનો સમાવેશ કર્યો છે. બંને સંસ્થાઓને સરકાર દ્વારા આંધ્ર પ્રદેશ, કર્ણાટક અને મહારાષ્ટ્રની મંડીઓમાંથી ટામેટાં ખરીદવા અને છૂટક વેચાણ વધુ હોય તેવા મુખ્ય ગ્રાહક કેન્દ્રોમાં વિતરણ કરવાનો નિર્દેશ આપવામાં આવ્યો છે.
ઉપભોક્તા બાબતોના વિભાગે એક નિવેદનમાં જણાવ્યું છે કે છેલ્લા એક મહિનામાં કિંમતોમાં સૌથી વધુ વધારો જોવા મળ્યો છે. શુક્રવારથી દિલ્હી-એનસીઆર ક્ષેત્રમાં છૂટક આઉટલેટ્સ દ્વારા ગ્રાહકોને ઓછા દરે ટામેટાં આપવામાં આવશે. ત્યારબાદ દેશના બીજા ભાગોમાં પણ આ પ્રકારે વિતરણ શરૂ કરાશે.
સરકારના નિવેદન મુજબ નાફેડ અને એનસીસીએફ ટામેટાં ખરીદશે. મંત્રાલયના જણાવ્યા અનુસાર, ટામેટાંને એવા સ્થળોએ ઓછા ભાવે વહેંચવામાં આવશે જ્યાં છેલ્લા એક મહિનામાં રિટેલ કિંમતો રાષ્ટ્રીય સરેરાશ કરતા વધારે છે. મંત્રાલયે કહ્યું કે જ્યાં ટામેટાંનો વપરાશ વધુ છે તે સ્થાનોને વિતરણ માટે પ્રાથમિકતા આપવામાં આવશે.
ઉલ્લેખનીય છે કે છેલ્લા કેટલાક દિવસોથી દેશના ઘણા ભાગોમાં વરસાદને કારણે શાકભાજીના ભાવમાં સતત વધારો થઈ રહ્યો છે. ટામેટાંના ભાવ પણ 200 રૂપિયા પ્રતિ કિલોએ પહોંચી ગયા છે. આવી સ્થિતિમાં લોકોની થાળીનો સ્વાદ પણ બગડી ગયો છે અને સાથે સાથે ઘરનું બજેટ પણ ખોરવાઈ ગયું છે.
