રાજ્યમાં સાડા ત્રણ મહિનામાં યાર્ડોમાં કપાસની 38 લાખ ગાંસડીની ધૂમ આવક થઈ છે. કપાસના ભાવ ગત વર્ષ કરતા ઘણા ઓછા હોવા છતાં રાજ્યમાં દરરોજ 45,000 ગાંસડીની આવક થઈ રહી છે. હાલ સારી ગુણવત્તાવાળા કાચા કપાસનો ભાવ 20 કિલો દીઠ રૂ. 1,450 આસપાસ બોલાઈ રહ્યો છે.
ગુજરાતનો કાપડ ઉદ્યોગ સારા દિવસોની રાહ જોઈ રહ્યો છે. આ સિઝનમાં બજારમાં કપાસનું આગમન મજબૂત રહ્યું છે. ગુજકોટ એસોસિએશનના ડેટા મુજબ, રાજ્યમાં 1 ઓક્ટોબરથી 15 જાન્યુઆરી સુધીમાં લગભગ 38 લાખ ગાંસડીની આવક જોવા મળી છે.
કપાસના ભાવ ગત વર્ષ કરતા ઘણા ઓછા હોવા છતાં રાજ્યમાં દરરોજ 45,000 ગાંસડીની આવક, સારી ગુણવત્તાવાળા કાચા કપાસનો ભાવ 20 કિલો દીઠ રૂ. 1,450 આસપાસ
કપાસના ભાવ ગત વર્ષ કરતા ઘણા ઓછા હોવા છતાં રાજ્યમાં દરરોજ 45,000 ગાંસડીની આવક થઈ રહી છે. સમગ્ર ભારતમાં કપાસની આવક 15 જાન્યુઆરી સુધીમાં 1.35 કરોડ ગાંસડીએ પહોંચી હતી. ગુજકોટ એસોસિએશનના સેક્રેટરી અજય શાહે જણાવ્યું હતું કે, અમારા અનુમાન મુજબ, ગુજરાતમાં 2023-24 (ઓક્ટોબર 2023 થી સપ્ટેમ્બર 2024) કપાસની સિઝનમાં લગભગ 85 લાખ ગાંસડીની આવક રહેશે. આ વર્ષે ગુજરાતમાં રોજની સરેરાશ 45,000 ગાંસડીની આવક સાથે મજબૂતી આવી છે. ગયા વર્ષે ખેડૂતોએ પાકનું મોટા પ્રમાણમાં વેચાણ કર્યું ન હતું, જેથી આવકો ઓછી હતી. આ વર્ષે ભાવ ઘટ્યા છે પરંતુ ખેડૂતો કપાસ વેચી રહ્યા છે. ગુજકોટના ડેટા અનુસાર, સારી ગુણવત્તાવાળા કાચા કપાસનો ભાવ 20 કિલો દીઠ રૂ. 1,450 આસપાસ છે જ્યારે હલકી ગુણવત્તાવાળા કપાસનો ભાવ રૂ. 1,250 પ્રતિ 20 કિલો છે. લગભગ એક મહિનાથી પ્રોસેસ્ડ કોટનના ભાવ રૂ. 55,000 પ્રતિ કેન્ડી (356 કિગ્રા) પર રહ્યા છે, જેના કારણે કાપડ ઉદ્યોગમાં સ્થિરતા આવી છે.
પુરવઠામાં ઘટાડો થવાને કારણે મે 2022માં કપાસના ભાવ પ્રતિ કેન્ડી રૂ. 1.10 લાખ સુધી પહોંચી ગયા હતા અને તેની કાપડ ઉદ્યોગ પર નકારાત્મક અસર પડી હતી. સ્પિનર્સ એસોસિએશન ગુજરાતના જણાવ્યા અનુસાર ડિસેમ્બરથી કોટન યાર્નના નિકાસ ઓર્ડરમાં પણ વધારો થયો છે.
મસ્કતી ક્લોથ માર્કેટ એસોસિયેશનના સેક્રેટરી નરેશ શર્માએ જણાવ્યું હતું કે, કોટનની આવક ઉદ્યોગ માટે પ્રોત્સાહક રહી છે કારણ કે તેણે ભાવમાં સ્થિરતા સુનિશ્ચિત કરી છે. અમે અપેક્ષા રાખીએ છીએ કે સ્પિનિંગ સેક્ટરમાં ક્ષમતાના વધુ સારા ઉપયોગ સાથે, સમગ્ર મૂલ્ય શૃંખલા માટે બજારની સ્થિતિ વધુ સારી રહેશે.
