મ્યુનીસિપલ કમિશનર અમિત અરોરાએ વહીવટી તંત્રના હાથ-પગ સમા અધિકારીઓ અને કર્મચારીઓને નિવૃત્તિના દિવસે જ પી.એફ. તેમજ જમા થયેલી હક્ક રજાનું રોકડમાં રૂપાંતર જેવા લાભો મળી જાય તે પ્રકારની પ્રણાલી અપનાવેલ છે. આજે 7 કમર્ચારીઓ નિવૃત થતા કમિશનરે મોમેન્ટો આપી સન્માન કરી વિદાયમાન આપ્યું હતું.
આ પ્રસંગે મ્યુનિ. કમિશનર અમિત અરોરાએ ફરજ પરથી નિવૃત થતા તમામ કર્મચારીઓનો આભાર વ્યક્ત કરતા જણાવ્યું હતું કે, આવનારા દિવસોમાં જો કોઈપણ પ્રશ્નો હોય તો કોર્પોરેશનના દરવાજા આપના માટે હંમેશા ખુલ્લા જ છે.
આજે અમીતકુમાર ચોલેરા, પરમાર કૈલાશભાઈ હિમતભાઇ, કટારીયા શાંતુબેન બીજલભાઈ, અઢીયા પ્રતાપ જે., પંડ્યા દીપક કેશવલાલ, વાઘેલા લીલાબેન અને સરવૈયા ભીખુ મોહન વિગેરે નિવૃત થયા છે.
નિવૃત્તિ વિદાય સન્માન સમારોહમાં મ્યુનિ. કમિશનર અમિત અરોરાના વરદ હસ્તે કર્મચારીઓને મોમેન્ટો આપી સન્માનિત કરવામાં આવ્યા હતાં તેમજ કર્મચારીઓના પી.એફ. અને હક્ક રજાના રોકડમાં રૂપાંતર અંગેના ચુકવણીના હુકમો તથા પી.પી.ઓ. બુકની નકલ પણ આપવામાં આવેલ હતી
અને સ્વસ્થ નિવૃત જીવનની શુભેચ્છા પાઠવવામાં આવી હતી.
