જ્હાન્વી કપૂરનો એક ફોટો સોશિયલ મીડિયા પર ખૂબ વાયરલ થઈ રહ્યો છે જેમાં તે એક ઈવેન્ટમાં ઓરહાન અવત્રામાણીનો હાથ પકડીને જોવા મળી રહી છે.
જ્હાન્વી કપૂર તેની ફિલ્મો અને એક્ટિંગ કરતાં તેના લૂક અને ફેશન સેન્સને લઈને વધુ ચર્ચામાં રહે છે. જાન્હવી ફેમિના બ્યુટી એવોર્ડ્સમાં નિયોન મરમેઇડ ગાઉનમાં પહોંચી હતી. જ્યાં તેણે સૌનું ધ્યાન ખેંચ્યું હતું. આ ઈવેન્ટમાં તેના લુકએ તો બધાને દિવાના બનાવ્યા હતા, પરંતુ જ્યારે તે મીડિયાના કેમેરામાં તેના ખાસ મિત્ર ઓરહાન અવત્રામાણીનો હાથ પકડીને જોવા મળી ત્યારે તે બધાના આકર્ષણનું કેન્દ્ર બની ગઈ હતી. એટલું જ નહીં, જ્હાન્વીની આ તસવીરો સોશિયલ મીડિયા પર જોરદાર વાયરલ થઈ રહી છે અને ચર્ચાનો વિષય બની ગઈ છે.
ફિશકટ ગાઉનમાં જ્હાન્વી કપૂર કોઈ મરમેઇડથી ઓછી દેખાઈ રહી નથી. આ સાથે ઓરહાન અવત્રામણીએ આ પ્રસંગે બ્લેક ટી-શર્ટ સાથે મેચિંગ કાર્ગોમાં ચમકદાર બ્લેક જેકેટ પહેર્યું હતું. બંને એકસાથે ખૂબ જ સારા લાગતા હતા. તમને જણાવી દઈએ કે, જ્યારે પણ જાહ્નવી ઓરહાન સાથે જોવા મળી હતી, ત્યારે દરેક વખતે ચર્ચા થતી હતી કે તે તેનો બોયફ્રેન્ડ છે, જો કે એકવાર અભિનેત્રીએ આ ચર્ચાઓ પર પોતાનું મૌન તોડ્યું હતું અને કહ્યું હતું કે ઓરહાન માત્ર તેનો ખૂબ જ સારો મિત્ર છે. હવે આ બંનેનો આ ફોટો જોઈને દરેકના મનમાં એ વાત ચોક્કસ આવશે કે શું તેઓ ખરેખર સારા મિત્રો છે.
કોણ છે ઓરહાન અવત્રામાણી?
હવે તમે વિચારતા જ હશો કે આ ઓરહાન અવત્રામાણી કોણ છે? તેઓ ઘણીવાર લગભગ તમામ અભિનેત્રીઓ સાથે ક્લોઝ બોન્ડિંગ શેર કરતા જોવા મળે છે, તો ચાલો જાણીએ. મળતી માહિતી મુજબ, ઓરહાન એક સામાજિક કાર્યકર્તા છે અને એનિમેશનમાં કરિયર બનાવવા માંગે છે. હાલમાં, તેના વિશે આનાથી વધુ કોઈ માહિતી નથી. સારા અલી ખાન, જાહ્નવી કપૂર, ખુશી કપૂર, કાજોલ અને અજય દેવગનની દીકરી સાથે પાર્ટી કરતા ઓરહાનના તમામ ફોટો સામે આવ્યા છે.
વર્કફ્રન્ટની વાત કરીએ તો, જાહ્નવી કપૂર તાજેતરમાં જ ફિલ્મ ‘મિલી’માં જોવા મળી હતી જે બોક્સ ઓફિસ પર ફ્લોપ સાબિત થઈ હતી. આ સિવાય તે રાજકુમાર રાવ સાથે તેની ફિલ્મ ‘બાવળ’માં વરુણ ધવન અને ‘મિસ્ટર એન્ડ મિસિસ માહી’માં જોવા મળશે.
