રિટેલર્સ માટે 30 ક્વિન્ટલ, જથ્થાબંધ વેપારીઓ માટે 500 ક્વિન્ટલ, જથ્થાબંધ ગ્રાહકો માટે 30 ક્વિન્ટલ અને મોટા ચેઇન રિટેલર્સ અને દુકાનો માટે 1,000 ક્વિન્ટલની મર્યાદા
અબતક, રાજકોટ :
ખાદ્યતેલના ભાવમાં રાહત આપવા અને સંગ્રહખોરી પર અંકુશ લગાવવા માટે કેન્દ્રએ શુક્રવારે ખાદ્યતેલો અને તેલીબિયાં પર 90 દિવસની સ્ટોક લિમિટ 30 જૂન સુધી અમલી બનાવી છે. આ ઉપરાંત સરકારે સ્ટોક હોલ્ડિંગ લિમિટ અંગેના અગાઉના આદેશનો અમલ ન કરનારા રાજ્યો દ્વારા લાદવામાં આવનારી સ્ટોક લિમિટનો પણ ઉલ્લેખ કર્યો છે.
ઓક્ટોબર 2021માં, ગ્રાહક બાબતોના મંત્રાલયે માર્ચ 2022 સુધી સ્ટોક મર્યાદા લાદી હતી અને ઉપલબ્ધ સ્ટોક અને વપરાશની પેટર્નના આધારે સ્ટોક મર્યાદા અંગે નિર્ણય લેવાનું રાજ્યો પર છોડી દીધું હતું.કેન્દ્રના ઓક્ટોબર 2021 ના આદેશ અનુસાર, છ રાજ્યો ઉત્તર પ્રદેશ, કર્ણાટક, હિમાચલ પ્રદેશ, તેલંગાણા, રાજસ્થાન અને બિહારે પોતપોતાના રાજ્યોમાં સ્ટોક હોલ્ડિંગ મર્યાદા નક્કી કરી હતી.
ખાદ્ય તેલના પ્રોસેસર્સ તેમની સંગ્રહ ક્ષમતાના 90 દિવસ સુધી સ્ટોક કરી શકશે. ખાદ્ય તેલીબિયાં માટે, સ્ટોક મર્યાદા ખાદ્યતેલો માટે સ્ટોક લિમિટ રિટેલર્સ માટે 30 ક્વિન્ટલ, જથ્થાબંધ વેપારીઓ માટે 500 ક્વિન્ટલ, જથ્થાબંધ ગ્રાહકો માટે 30 ક્વિન્ટલ એટલે કે મોટા ચેઇન રિટેલર્સ અને દુકાનો માટે 1,000 ક્વિન્ટલ હશે. ખાદ્ય તેલીબિયાંના પ્રોસેસર્સ દૈનિક ઉત્પાદન ક્ષમતા મુજબ 90 દિવસના ખાદ્ય તેલના ઉત્પાદનનો સ્ટોક કરી શકશે, એમ નિવેદનમાં જણાવાયું છે.
મંત્રાલયના જણાવ્યા અનુસાર આ પગલાથી બજારમાં સંગ્રહખોરી અને કાળાબજાર જેવી કોઈપણ અન્યાયી પ્રથાઓને અંકુશમાં લેવાની અપેક્ષા છે, જે ખાદ્યતેલના ભાવમાં કોઈપણ વધારો તરફ દોરી શકે છે. ખાદ્યતેલોના છૂટક ભાવમાં થયેલા વધારાને વૈશ્વિક બજારમાં ઉછાળો કારણભૂત ગણવામાં આવે છે.
આ છ રાજ્યોમાં કોઇ સ્ટોક લિમિટ નહી
કેન્દ્ર સરકાર દ્વારા કેટલાક રાજ્યોને વિશેષ છૂટ આપવામાં આવી છે, એટલે કે, અહીં સ્ટોક લિમિટ કરતાં વધુ સ્ટોર કરી શકાય છે. જો કે, તેઓએ રાજ્ય સરકાર દ્વારા નિર્ધારિત સ્ટોક લિમિટનું પાલન કરવાનું રહેશે. છૂટ આપવામાં આવેલા રાજ્યોમાં ઉત્તર પ્રદેશ, કર્ણાટક, હિમાચલ પ્રદેશ, તેલંગાણા, રાજસ્થાન અને બિહારનો સમાવેશ થાય છે.
આયાત નિકાસ સાથે સંકળાયેલ એકમોને પણ મર્યાદામાંથી છૂટ,નિકાસકારો, રિફાઇનર્સ, મિલરો, એક્સ્ટ્રેક્ટર્સ, જથ્થાબંધ વેપારી અને ડીલર કે જેમની પાસે આયાત-નિકાસ કોડ નંબર છે તેમને મુક્તિ આપવામાં આવી છે. જો કે, તેઓએ સાબિત કરવું પડશે કે સ્ટોક નિકાસ માટે છે કે આયાત કરીને મેળવેલો છે.ગત વર્ષે દેશમાં ખાદ્યતેલના ભાવમાં ભારે વધારો જોવા મળ્યો હતો. સરસવના તેલના ભાવમાં સૌથી વધુ વધારો થયો હતો. આ પછી સરકારે સરસવના તેલમાં મિશ્રણ પર પ્રતિબંધ મૂક્યો હતો. જેના કારણે ભાવમાં વધુ વધારો થયો હતો.જો કે, વધેલી કિંમતોમાંથી રાહત આપવા માટે, સરકારે છેલ્લા કેટલાક મહિનામાં ઘણા પગલા લીધા છે, જેનો લાભ સામાન્ય લોકોને મળી રહ્યો છે. સરકારે ફરી એકવાર સ્ટોક લિમિટ નક્કી કરી છે જેથી ભાવ ફરી ન વધે.
