- પેગાસસની મદદથી કોઈપણ ફોનને હેક કરી શકાય છે : એપલ તેના વપરાશકર્તાઓને સંભવિત હેકિંગ વિશે અગાઉથી આપે છે ચેતવણી
એપલે કહ્યું છે કે ભારત સહિત વિશ્વના 92 દેશોના યુઝર્સ ગમે ત્યારે પેગાસસ જેવા સ્પાયવેરનો શિકાર બની શકે છે. આ પહેલા એપલે ગયા વર્ષે ઓક્ટોબરમાં ઘણા વિપક્ષી નેતાઓને આવો જ એલર્ટ મોકલ્યો હતો, જે બાદ ઘણો વિવાદ થયો હતો. જો તમે પણ એપલ ડિવાઇસનો ઉપયોગ કરો છો તો તમારા માટે મોટા સમાચાર છે. એપલે તેના યુઝર્સને મોટા સાયબર હુમલા અંગે ચેતવણી આપી છે. એપલે કહ્યું છે કે ભારત સહિત વિશ્વના 92 દેશોના યુઝર્સ ગમે ત્યારે પેગાસસ જેવા સ્પાયવેરનો શિકાર બની શકે છે. આ પહેલા એપલે ગયા વર્ષે ઓક્ટોબરમાં ઘણા વિપક્ષી નેતાઓને આવો જ એલર્ટ મોકલ્યો હતો, જે બાદ ઘણો વિવાદ થયો હતો.
આ પહેલા વર્ષ 2021માં આઈફોન પર પેગાસસ હુમલાને લઈને સુપ્રીમ કોર્ટે એક કમિટી બનાવવાનો આદેશ આપ્યો હતો જેની પાસે આ હુમલાની તપાસની જવાબદારી હતી. તમને જણાવી દઈએ કે પેગાસસ સ્પાયવેરને ઈઝરાયેલની કંપની એન.એસ.ઓ ગ્રુપ દ્વારા વિકસાવવામાં આવ્યું છે. પેગાસસની મદદથી કોઈપણ ફોનને હેક કરી શકાય છે અને યુઝરને આ હેકિંગ વિશે કોઈ સુરાગ પણ નહીં હોય. ઓગસ્ટ 2022માં આ સમિતિએ કહ્યું હતું કે 29 મોબાઈલ ફોનની તપાસ કરવામાં આવી હતી જેમાં પેગાસસ સ્પાયવેરની હાજરીના કોઈ પુરાવા મળ્યા નથી. તે દરમિયાન, એવો દાવો કરવામાં આવ્યો હતો કે પેગાસસ દ્વારા ઘણા ભારતીય પત્રકારો અને સામાજિક કાર્યકરોના ફોન પર નજર રાખવામાં આવી હતી. આ ઘટના પછી, એપલ તેના વપરાશકર્તાઓને સંભવિત હેકિંગ વિશે અગાઉથી ચેતવણીઓ મોકલે છે.
