જીનીવા ઇન્ટરનેશનલ મોટર શોમાં સિમુર્ગ સુપરકાર રજૂ કરી
ટેકનોલોજી ન્યુઝ
તાલિબાન શાસિત અફઘાનિસ્તાનની ગણતરી વિશ્વના સૌથી ગરીબ દેશોમાં થાય છે. આ દેશ આ ઓળખને બદલવા માટે સખત પ્રયાસ કરી રહ્યો છે. તેની ઓળખ કતારની રાજધાની દોહામાં જોવા મળી હતી.
અફઘાન કાર કંપની ENTOP એ હાલમાં ચાલી રહેલા જીનીવા ઇન્ટરનેશનલ મોટર શોમાં સિમુર્ગ સુપરકાર રજૂ કરી હતી. તાલિબાનના નિયંત્રણવાળા અફઘાનિસ્તાનમાં બનેલી આ પહેલી સુપરકાર છે. કાબુલ સ્થિત ઓટો કંપની ENTOP અને અફઘાનિસ્તાન ટેકનિકલ વોકેશનલ ઇન્સ્ટિટ્યૂટ (ATVI)એ સાથે મળીને પ્રથમ અફઘાનિસ્તાન સુપરકાર બનાવી છે.
જ્યારે Simurghને જીનીવા મોટર શોમાં રજૂ કરવામાં આવ્યો ત્યારે બધાની નજર તેના પર હતી. આ વિશ્વના સૌથી મહત્વપૂર્ણ મોટર શોમાંનો એક છે. તાલિબાન શાસિત અફઘાનિસ્તાનની પ્રથમ સુપરકાર માટે આ પ્રકારની ઇવેન્ટમાં અનાવરણ થવુ એ મોટી વાત છે. ઓલ-બ્લેક પેઇન્ટ થીમ અને અદભૂત ડિઝાઇન સાથે, સિમુર્ગ વિશ્વની ટોચની ઓટો બ્રાન્ડ્સની સુપરકાર્સને સખત સ્પર્ધા આપતી જોવા મળી હતી.
GIMS Qatar 2023 – Entop: World premiere for @entopco presenting the Simurgh. After 5 years of working on this project, they finally get to present it. Their goal: Le Mans 24 Hours race. #gimsqatar23 #genevamotorshow #gimsswiss pic.twitter.com/MEC3k0lwav
— Geneva International Motor Show (@gvamotorshowoff) October 8, 2023
ENTOP સિમુર્ગ: એન્જિન
એવો દાવો કરવામાં આવ્યો હતો કે સિમુર્ગને 30 અફઘાન એન્જિનિયરોએ ડિઝાઇન કર્યો હતો. તે જ સમયે, સુપરકાર તાલિબાન શાસિત અફઘાનિસ્તાનમાં બનાવવામાં આવી છે. તેમાં 1.8 લિટર DOHC 16 વાલ્વ VVT-i, 4 સિલિન્ડર પેટ્રોલ એન્જિન આપવામાં આવશે. આ 2004 પેઢીના ટોયોટા કોરોલાનું એન્જિન છે, જેનો ઉપયોગ સુપરકારમાં કરવામાં આવ્યો છે.
ENTOP Simurgh: ડિઝાઇન
મીડિયા રિપોર્ટ્સ અનુસાર, ENTOPનું કહેવું છે કે સુપરકાર માટે ટોયોટાના એન્જિનમાં ફેરફાર કરવામાં આવ્યો છે. હવે ડિઝાઈનની વાત કરીએ તો આ કાર મર્સિડીઝ-BMW જેવી દિગ્ગજ કંપનીઓ સાથે સ્પર્ધા કરે છે. ફ્રન્ટ ગ્રિલ સાથે LED હેડલેમ્પ્સ જોવા મળે છે. કારમાં શાર્પ ફ્રન્ટ સ્પ્લિટર, મોટા બ્લેક એલોય વ્હીલ્સ, ફ્લેરેડ ફેંડર્સ, LED ટેલલાઈટ્સ અને બોલ્ડ-સ્ટાઈલ રીઅર ડિફ્યુઝર છે.
Mada 9 નું અપગ્રેડ કરેલ સંસ્કરણ
ENTOP એ દાવો કર્યો હતો કે Simurgh વાસ્તવમાં Mada 9 છે, જેનું આ વર્ષે અનાવરણ કરવામાં આવ્યું હતું. Simurgh એક પ્રોટોટાઇપ SUV છે જે Mada 9 થી એક ડગલું આગળ વધે છે. અફઘાન કંપનીએ કહ્યું કે તે ભવિષ્યમાં સિમુર્ગનું ઇલેક્ટ્રિક વર્ઝન લોન્ચ કરવા માંગે છે. તેનું ઉત્પાદન હજુ શરૂ થયું નથી. આમાં થોડો સમય લાગશે કારણ કે કંપનીને નાણાકીય સહાયની જરૂર છે.
