ફક્ત 6 શહેરોમાં રમાશે મેચ: અમદાવાદ ખાતે યોજાશે ફાઇનલ
ભારતીય ક્રિકેટ કંટ્રોલ બોર્ડ (બીસીસીઆઈ) એ આઈપીએલ 2021 ની તારીખોની ઘોષણા કરી છે. આઈપીએલની 14મી સીઝન 9 એપ્રિલથી શરૂ થશે, જ્યારે તેની ફાઈનલ 30 મેના રોજ રમાશે. આઈપીએલની પહેલી મેચ 9 એપ્રિલે ચેન્નઇમાં રમાશે, જ્યારે અંતિમ મેચ 30 મેના રોજ અમદાવાદના નરેન્દ્ર મોદી સ્ટેડિયમ ખાતે રમાશે. રવિવારે આઈપીએલ ગવર્નિંગ કાઉન્સિલની બેઠકમાં આ સીઝનની તારીખોની ઘોષણા કરવામાં આવી હતી, જેમાં આ વખતે કુલ છ સ્થળો પર તમામ મેચ રમાવાની છે. જેમાં અમદાવાદ, બેંગલુરુ, ચેન્નાઈ, દિલ્હી, મુંબઇ અને કોલકાતાનો સમાવેશ થાય છે. 9 એપ્રિલે ચેન્નઇમાં રમાનારી મેચ રોહિત શર્માની આગેવાનીમાં મુંબઇ ઈન્ડિયન્સ અને વિરાટ કોહલીની અધ્યક્ષતા રોયલ ચેલેન્જર્સ બેંગલોર વચ્ચે હશે. આઇપીએલની 14 મી સીઝનની તમામ પ્લેઓફ મેચ અને અંતિમ મેચ અમદાવાદના નરેન્દ્ર મોદી સ્ટેડિયમ ખાતે રમાશે. આ વખતે લીગ તબક્કામાં, બધી ટીમો પોતપોતાની મેચ ચાર મેદાન પર રમશે અને 56 લીગ મેચમાં ચેન્નાઈ, મુંબઇ, કોલકાતા અને બેંગલોરમાં 10-10 મેચ સાથે થશે જ્યારે 8-8 લીગ મેચ યોજાશે. તમામ ટીમો છ સ્થળોમાંથી ચાર પર તેમની લીગ મેચ રમશે.
આ સિઝનમાં, 11 દિવસ હશે જેના પર બે મેચ રમાશે. બંને મેચના દિવસે બપોરની મેચ બપોરે 3:30 વાગ્યે જ્યારે નાઈટ મેચ સાડા સાત વાગ્યે શરૂ થશે. ગયા વર્ષે કોવિડ -19 ને કારણે તે યુએઈમાં યોજાયો હતો, પરંતુ આ વખતે બીસીસીઆઈને વિશ્વાસ છે કે આ સિઝન સફળતાપૂર્વક તેના પોતાના પર યોજવામાં આવશે. બીસીસીઆઈએ રવિવારે ઈન્ડિયન પ્રીમિયર લીગ (ઈંઙક) સીઝન 14નું શિડ્યૂલ જાહેર કર્યું છે. જે મુજબ ઈંઙક-14 ની સીઝન 9 એપ્રિલથી શરૂ થશે જે 30 મે સુધી ચાલશે. 52 દિવસ સુધી ચાલનારી ટૂર્નામેન્ટનો ફાઈનલ મુકાબલો અમદાવાદના નરેન્દ્ર મોદી સ્ટેડિયમમાં રમાશે. ઈંઙકના તમામ મુકાબલા 6 શહેરો અમદાવાદ, બેંગલુરુ, ચેન્નાઈ, દિલ્હી, મુંબઈ અને કોલકાતામાં જ થશે.
તમામ 8 ટીમો વચ્ચે 52 દિવસમાં ફાઈનલ સહિત 60 મેચ રમાશે. ફાઈનલ અને પ્લે-ઓફની મેચ અમદાવાદમાં રમાશે. સીઝનનો પ્રારંભ ડિફેન્ડિંગ ચેમ્પિયન મુંબઈ ઈન્ડિયન્સ અને રોયલ ચેલેન્જર્સ બેંગલુરુ વચ્ચે શરૂ થશે. મુંબઈના કેપ્ટન રોહિત શર્મા અને બેંગલુરુના કેપ્ટન વિરાટ કોહલી છે. લીગ સ્ટેજની 56માંથી ચેન્નાઈ, મુંબઈ, કોલકાતા, બેંગલુરુમાં 10-10 મેચ રમાશે. જ્યારે દિલ્હી અને અમદાવાદમાં 8-8 મેચ રમાશે. ગત સીઝનમાં કોરોના કારણે માર્ચ-એપ્રિલના બદલે સપ્ટેમ્બર-નવેમ્બરે રમાઈ હતી. આ વખતે ટૂર્નામેન્ટની ભારતમાં જ રમાશે. કોરોનાને કારણે પહેલી વખત કોઈ પમ ટીમ પોતાના ઘરઆંગણે મેચ નહીં રમે. આ વખતે 11 ડબલ હેડર એટલે કે એક દિવસમાં બે મેચ રમાશે. બપોરની મેચ 3.30 વાગ્યાથી રમાશે. જ્યારે સાંજની મેચ 7.30 વાગ્યાથી શરૂ થશે.
પરિસ્થિતિને ધ્યાને રાખીને ક્રિકેટ રસિયાઓને અપાશે એન્ટ્રી
કોરોનાને કારણે ટૂર્નામેન્ટ બાયો બબલમાં રમાશે. લીગ સ્ટેજ દરમિયાન દરેક ટીમ ત્રણ વખત જ યાત્રા કરીને પોતાની મેચ પૂરી કરી લેશે. મહામારીને કારણે શરૂઆતમાં ફેન્સને સ્ટેડિયમમાં એન્ટ્રી નહીં આપવામાં આવે. જે બાદ જો પરિસ્થિતિ સારી રહી અને સરકારની સાથે બોર્ડને યોગ્ય લાગશે તો ફેન્સને એન્ટ્રી આપવામાં આવી શકે છે.
