26 ફેબ્રુઆરીથી 28 ફેબ્રુઆરીની વચ્ચે ચાર કંપનીઓના આઈપીઓ લોન્ચ થશે
શેરમાર્કેટ ન્યૂઝ : શેર બજારના રોકાણકારોને ફરી કમાણી કરવાની તક મળશે. જો તમે પ્રાયમરી માર્કેટમાં રોકાણ કરો છો અથવા રોકાણ કરવાની યોજના બનાવી રહ્યા છો, તો તમારા બેંક ખાતામાં બેલેન્સ રાખજો. આગામી સપ્તાહે IPO માર્કેટમાં ઘણી હલચલ જોવા મળશે.
આગામી 26 ફેબ્રુઆરીથી 28 ફેબ્રુઆરીની વચ્ચે એક નહીં, બે નહીં પરંતુ ચાર – ચાર કંપનીઓના મેઇનબોર્ડ આઈપીઓ લોન્ચ થશે. આઈપીઓને લઈ ગ્રે માર્કેટમાં પહેલેથી જ હલચલ મચી ગઈ છે અને તેમના અનલિસ્ટેડ શેર 67 ટકા સુધીના પ્રીમિયમ પર ટ્રેડ થઈ રહ્યા છે.
મુક્કા પ્રોટીનનો આઈપીઓ:
દેશની સૌથી મોટી ફિશ મીલ કંપની મુક્કા પ્રોટીનનો IPO 26 ફેબ્રુઆરીથી 28 ફેબ્રુઆરી સુધી સબસ્ક્રિપ્શન માટે ખુલ્લો રહેશે. આ આઈપીઓનું કદ રૂ. 225 કરોડ છે. કોસ્ટલ કર્ણાટક સ્થિત કંપની મુક્કા પ્રોટીન દેશમાં ફિશ મીલ અને ફિશ ઓઈલની સૌથી મોટી ઉત્પાદક છે. આ સાથે, કંપની 15 થી વધુ દેશોમાં ફિશ મીલની સૌથી મોટી નિકાસકાર પણ છે.
પ્લેટિનમ ઇન્ડસ્ટ્રીઝનો IPO 27મી ફેબ્રુઆરીથી 29મી ફેબ્રુઆરી સુધી સબસ્ક્રિપ્શન માટે ખુલશે. પ્લેટિનમ ઇન્ડસ્ટ્રીઝ એક મલ્ટિ-પ્રોડક્ટ કંપની છે જે સ્ટેબિલાઇઝર્સના ઉત્પાદનના વ્યવસાયમાં રોકાયેલી છે. બિઝનેસ સેગમેન્ટમાં PVC સ્ટેબિલાઇઝર્સ, CPVC એડિટિવ્સ અને લુબ્રિકન્ટ્સનો સમાવેશ થાય છે.
ઇલેક્ટ્રોનિક વાહનો માટે ચાર્જર બનાવતી કંપની Exicom Tele-Systems નો IPO 27 ફેબ્રુઆરીથી 29 ફેબ્રુઆરી 2024 સુધી ખુલ્લો રહેશે. કંપની ઇલેક્ટ્રિક વ્હીકલ ચાર્જર અને સ્માર્ટ ચાર્જિંગ સિસ્ટમ્સનું ઉત્પાદન કરે છે, જ્યારે પાવર સોલ્યુશન્સ બિઝનેસમાં, તે ભારતમાં અને વિદેશમાં ટેલિકોમ સેક્ટરમાં પાવર મેનેજમેન્ટ માટે ડીસી પાવર સિસ્ટમ્સ ડિઝાઇન, ઉત્પાદન અને સર્વિસ આપે છે.
ભારત હાઇવેઝ ઇનવિટ આઈપીઓ 28 ફેબ્રુઆરી 2024 થી 1 માર્ચ 2024 સુધી ખુલ્લો રહેશે. Bharat Highways InvIT એ ઇન્ફ્રાસ્ટ્રક્ચર ઇન્વેસ્ટમેન્ટ ટ્રસ્ટ છે જે ભારતમાં ઇન્ફ્રાસ્ટ્રક્ચર અસ્કયામતોના પોર્ટફોલિયોને હસ્તગત કરવા, મેનેજ કરવા અને રોકાણ કરવા અને ઇન્ફ્રાસ્ટ્રક્ચર ઇન્વેસ્ટમેન્ટ ટ્રસ્ટની પ્રવૃત્તિઓને આગળ ધપાવવા માટે બનાવવામાં આવી છે, જે SEBI InvIT નિયમો હેઠળ સંચાલિત થાય છે.
