- ‘ફક્ત ઈશાન અને અય્યર કેમ, રોહિત-કોહલીએ પણ ડોમેસ્ટિક ક્રિકેટ રમવું જોઈએ, ભૂતપૂર્વ ખેલાડીએ કેમ આપ્યું આ નિવેદન?
- ‘રોહિત અને કોહલીએ ફ્રી હોય ત્યારે ડોમેસ્ટિક ક્રિકેટ પણ રમવી જોઈએ’ કીર્તિ આઝાદે કેમ આપ્યું આ નિવેદન?
Cricket News: ભારતની 1983 વર્લ્ડ કપ વિજેતા ટીમના સભ્ય કીર્તિ આઝાદે ગુરુવારે ક્રિકેટરોને રણજી ટ્રોફી રમવા માટેના BCCIના નિર્દેશને ટેકો આપતા કહ્યું કે આ એક સારી પહેલ છે અને રોહિત શર્મા અને વિરાટ સહિત ભારતીય ટીમના દરેક સભ્ય પર તેનો અમલ થવો જોઈએ. ઈશાન કિશન અને શ્રેયસ ઐય્યરે રણજી ટ્રોફી ન રમવાના કારણે તેમના સેન્ટ્રલ કોન્ટ્રાક્ટ ગુમાવ્યા છે. આઝાદે કહ્યું- આ નોટિફિકેશન ખૂબ જ સારી પહેલ છે. દરેક વ્યક્તિએ રણજી ટ્રોફી રમવી જોઈએ. પાંચ દિવસીય ક્રિકેટ એ વાસ્તવિક ક્રિકેટ છે. ઘરેલું ક્રિકેટ રમવું સારું છે.
કીર્તિ આઝાદે આપ્યું આ નિવેદન
તેણે કહ્યું- જ્યારે પણ ખેલાડીઓ ફ્રી હોય ત્યારે તેમણે પોતાના રાજ્ય માટે રણજી ક્રિકેટ રમવી જોઈએ. રોહિત શર્મા હોય કે વિરાટ કોહલી. રાજ્યએ તમને ખેલાડી બનવાની તક આપી જેથી તમે દેશ માટે રમી શકો. જોકે, તેણે કહ્યું કે માત્ર ઈશાન અને શ્રેયસને જ સજા કરવી યોગ્ય નથી. આઝાદે કહ્યું- માત્ર બેને સજા કરવી યોગ્ય નથી દરેકને સજા થવી જોઈએ. દરેક સાથે સમાન વ્યવહાર થવો જોઈએ. આઝાદે ઇશાન અને શ્રેયસ માટે હવે દરવાજા બંધ છે કે કેમ તે અંગે ટિપ્પણી કરવાનો ઇનકાર કર્યો હતો.
તેણે કહ્યું- મારો સવાલ એ છે કે શું તેઓ પૂરતી ડોમેસ્ટિક ક્રિકેટ રમી રહ્યા છે. તેઓ T20 ક્રિકેટ રમી રહ્યા છે અને દરેક રાજ્યમાં T20 ક્રિકેટ લીગ છે. જ્યારે અમે રમતા હતા ત્યારે તમામ સભ્યો રાજ્ય માટે રમતા હતા અને તેનો ગર્વ હતો પરંતુ હવે એવું નથી. કીર્તિ આઝાદે T20 ક્રિકેટ અને રણજી ટ્રોફી વચ્ચે સંતુલન જાળવવા બદલ ધ્રુવ જુરેલ અને સરફરાઝ ખાનની પ્રશંસા કરી હતી.
