- કંપનીએ અત્યાર સુધી ડિલિવરી કરાયેલા તમામ સાયબરટ્રક પાછા બોલાવી લીધા છે. તેના 3,878 યુનિટ પ્રભાવિત થયા છે.
Automobile News : ટેસ્લાએ સાયબરટ્રકને રિકોલ કરવાની જાહેરાત કરી છે, હકીકતમાં તેનો એક વીડિયો સોશિયલ મીડિયા પર વાયરલ થયો છે, જેમાં ટ્રકનું એક્સિલરેટર પેડલ ફસાઈ ગયું છે, જે સંભવિત રીતે વાહનને વેગ આપી શકે છે અને અકસ્માતનું કારણ બની શકે છે.
કંપનીએ અત્યાર સુધી ડિલિવરી કરાયેલા તમામ સાયબરટ્રક પાછા બોલાવી લીધા છે. તેના 3,878 યુનિટ પ્રભાવિત થયા છે.
શું ખામી આવી
નેશનલ હાઇવે ટ્રાફિક સેફ્ટી એડમિનિસ્ટ્રેશન સાથેની ફાઇલિંગ અનુસાર, પેડલની ઉપર સ્થિત એક્સિલરેટર પેડલ પેડ વિકૃત થઈ શકે છે, ઉપર તરફ સરકી શકે છે અને ફૂટવેલ સ્પેસની ટ્રીમ સામે અટકી શકે છે. NHTSAએ જણાવ્યું હતું કે સોમવાર સુધીમાં, ટેસ્લાને આ મુદ્દાને લગતી કોઈપણ અથડામણ, ઇજાઓ અથવા મૃત્યુની જાણ નહોતી.
ગ્રાહકોએ શું કરવાનું રહેશે
નવા એક્સિલરેટર પેડલ કમ્પોનન્ટ ફીટ કરાવવા માટે ગ્રાહકો તેમના સાયબરટ્રકને નજીકના સેવા કેન્દ્ર પર લઈ જઈ શકે છે. ટેસ્લાએ કહ્યું છે કે એક્સિલરેટર પેડલ એસેમ્બલીને કોઈ ચાર્જ વિના બદલવામાં આવશે. ચેતવણી લાઇટ અને ફોન્ટ વિઝિબિલિટીની સમસ્યાને કારણે ટેસ્લાએ વિવિધ મોડલ્સમાંથી લગભગ 22 લાખ ઇલેક્ટ્રિક કારને પરત બોલાવી છે. નેશનલ હાઇવે ટ્રાફિક સેફ્ટી એડમિનિસ્ટ્રેશન (NHTSA) તરફથી એક સત્તાવાર નિવેદન જણાવે છે કે EV નિર્માતાએ સાયબરટ્રક સહિતના વાહનોને કથિત રીતે પાછા બોલાવ્યા છે જેમાં ડેશબોર્ડ ચેતવણી લાઇટ્સ હોય છે જેની ફોન્ટ સાઈઝ વપરાશકર્તાઓને જોવા અને સમજવા માટે ખૂબ નાની છે.
