ઇન્ટરનેશનલ ન્યુઝ
હાલ ભંડોળનો આંકડો રૂ. 7.34 લાખ કરોડને આંબ્યો, હવે રૂ. 86 હજાર કરોડની જરૂર હોય વર્ષ 2023માં જ ભંડોળનો લક્ષ્યાંક સિદ્ધ થઈ જવાની આશા
ગ્લોબલ વોર્મિંગને ભરી પીવા વિશ્વભરની મહાસતાઓએ રૂ. 8.20 લાખ કરોડનું ભંડોળ એકત્ર કરવાનો લક્ષ્યાંક રાખ્યો હતો. હાલ ભંડોળનો આંકડો રૂ. 7.34 લાખ કરોડને આંબ્યો છે. હવે રૂ. 86 હજાર કરોડનું ભંડોળ ઘટી રહ્યું હોય વર્ષ 2023માં જ ભંડોળનો લક્ષ્યાંક સિદ્ધ થઈ જવાની આશા સેવાઈ રહી છે.
કોપ 28 એ યુનાઇટેડ નેશન્સ ક્લાયમેન્ટ ચેન્જ કોન્ફરન્સ છે. તે વાર્ષિક બેઠક છે જ્યાં યુએનના સભ્ય દેશો આબોહવા પરિવર્તન સામે લડવા માટે અસરકારક પગલાંનું મૂલ્યાંકન કરવા અને યુએનએફસીસીસી માર્ગદર્શિકા હેઠળ આબોહવા પગલાંની યોજના બનાવવા માટે બોલાવે છે. પ્રથમ કોપ 1995 માં બર્લિનમાં યોજાઈ હતી. ગયા વર્ષની કોપ 27 શર્મ અલ શેખ, ઇજિપ્તમાં યોજાઇ હતી. અત્યાર સુધીમાં કુલ 27 કોપ બેઠકો થઈ છે. કોપ 28નું આયોજન સંયુક્ત આરબ અમીરાત દ્વારા દુબઈમાં કરવામાં આવી રહ્યું છે.
આ વર્ષની ઇવેન્ટમાં પ્રથમ “ગ્લોબલ સ્ટોકટેક” શામેલ હશે, જે પેરિસ કરાર પછીની પ્રગતિનું વ્યાપક મૂલ્યાંકન પ્રદાન કરશે. તેનો ઉદ્દેશ્ય આબોહવાની ક્રિયા પરના પ્રયત્નોને સંરેખિત કરવાનો છે. જેમાં આરોગ્ય, પાણી, ખોરાક અને પ્રકૃતિ આ ચાર થીમ રાખવામાં આવી છે. ઓઇસીડીના અંદાજ મુજબ વિકસિત દેશોએ 2023ના અંતે વિકાસશીલ રાષ્ટ્રોને આબોહવા પરિવર્તન સહાય માટે રૂ.8.20 લાખ કરોડ એકત્ર કરવાના તેમના લક્ષ્યાંકને પૂર્ણ કરી લીધો હશે. હાલ રકમ ધ્યેય કરતાં રૂ.86 હજાર કરોડ જેટલી ઓછી છે.
ક્લાઈમેટ એક્શન નેટવર્ક ઈન્ટરનેશનલના વૈશ્વિક રાજકીય વ્યૂહરચનાના વડા હરજીત સિંઘે જણાવ્યું હતું કે, ગ્રાન્ટને બદલે લોન દ્વારા વર્ચસ્વ ધરાવતા ક્લાઈમેટ ફાઇનાન્સનો પ્રચલિત અભિગમ વિકાસશીલ રાષ્ટ્રો પર દેવાનો બોજ વધારે છે. વધુમાં અહેવાલમાં જણાવ્યા અનુસાર આ ભંડોળ અત્યારે રૂ. 7.34 લાખ કરોડને આંબયું છે. હવે રૂ. 86 હજાર કરોડનું ભંડોળ ઘટી રહ્યું હોય વર્ષ 2023માં જ ભંડોળનો લક્ષ્યાંક સિદ્ધ થઈ જવાનો છે.
