સ્વદેશી બનાવટનું INS કિલતાન ભારતીય નેવીમાં સામેલ થઈ ચૂક્યું છે. સંરક્ષણમંત્રી સીતારામને નેવીના એન્ટિ સબમરીન વૉરશિપ INS કિલતાનને નેવીમાં કમિશન અપાવ્યું છે. તેની સૌથી મોટી ખૂબી એ છે કે તે દુશ્મનની કોઇપણ સબમરીનને થોડીક જ મિનિટોમાં નિશાન બનાવીને તેને નષ્ટ કરી શકે છે. આ સ્ટીલ વૉરશિપનું નામ લક્ષદ્વીપ અને મિનિકોય દ્વીપસમૂહની નજીક આવેલા એક નાનકડા દ્વીપના નામ પરથી રાખવામાં આવ્યું છે. આઇએનએસ કિલતાન ઇસ્ટર્ન નેવલ કમાન્ડની પાસે રહેશે અને કમિશનના પહેલા જ દિવસે તે પોતાની જવાબદારી સંભાળી શકે છે. દેશમાં બનેલા શિવાલિક ક્લાસના વૉરશિપમાં તેનો ત્રીજો નંબર છે. આ પહેલા INS કાર્મોતા અને INS કદમત્ત ઇન્ડિયન નેવીને સોંપાઇ ચૂક્યા છે. ત્રણેય વૉરશિપમાં નેવીના હથિયારો હાજર રહેશે. આ ઉપરાંત ઇટેક સેન્સર્સ લાગેલા છે જે કોમન ઓપરેશનલ પિક્ચર (COP) મેળવવામાં મદદ કરશે. એટલે કે યુદ્ધ દરમિયાન ત્રણેય વૉરશિપ એકસાથે જ ઓપરેટ કરી શકાશે. કિલતાન દેશનું પહેલું એવું વૉરશિપ છે, જેને બનાવવામાં કાર્બન ફાયબરનો ઉપયોગ કરવામાં આવ્યો છે. જેથી તેના સ્ટીલ ફીચર બાકીના જહાજોની સરખામણીએ વધુ સારા બની જાય છે. કાર્બન ફાયબર હલકા હોય છે એટલે તેમનું વજન ઓછું છે અને મેન્ટેનન્સ પણ સસ્તું રહેશે. આવનારા સમયમાં તેના પર શોર્ટ રેન્જ મિસાઇલ અને જંગી હેલિકોપ્ટર પણ તહેનાત કરવામાં આવશે. આ ઉપરાંત મોસ્ટ એડવાન્સ સોનાર અને સર્વિલાંસ રડાર રેવતી પણ તેના પર તહેનાત કરવામાં આવશે.
Trending
- યાર…આ શોપિંગ અને રીલનું વ્યસન તો વધતું જ જાય છે
- કર્ણાટકમાં કલ્યાણ જ્વેલર્સમાં ગેસ બ્લાસ્ટની ઘટનામાં છ લોકો ઘાયલ
- સપ્તાહના અંતિમ દિવસે શેરબજાર ધડામ
- સ્વપ્નમાં પોતાના લગ્ન જોવા શુભ કે અશુભ, શું કહે છે સ્વપ્ન શાસ્ત્ર?
- પડધરી: તરઘડી ગામે પરિણિતાને પાડોશી મહિલાએ ઢીબી નાખી
- મોરબી: મહિલાઓને લાજ કાઢવાનું કહેતા મોટાબાપુ અને તેના પુત્રને ભાઈ તથા ભત્રીજાઓએ ઢીબી નાખ્યા
- સુરેન્દ્રનગર: છૂટાછેડા લઈ લીધા બાદ પુર્વ પતિએ મહિલાને માર્યા છરીના ઘા
- દ્વારકામાં ‘અબતક’ના પત્રકાર પર ત્રણ શખ્સોએે કર્યો હુમલો