રાહુલ ગાંધીએ ભારત જોડો ન્યાય યાત્રાના ત્રીજા દિવસે નાગાલેન્ડની રાજધાની કોહિમાથી કહ્યું કે 22 જાન્યુઆરીએ અયોધ્યામાં યોજાનાર રામ લલ્લાના અભિષેકનો કાર્યક્રમ વડાપ્રધાન નરેન્દ્ર મોદી અને રાષ્ટ્રીય સ્વયંસેવક સંઘનો કાર્યક્રમ છે. તેને સંપૂર્ણ ચૂંટણીનો સ્વાદ આપવામાં આવ્યો છે. ભાજપે આનો જવાબ આપતા કહ્યું કે રાહુલ ગાંધી કાલ્પનિક દુનિયામાં રહે છે.
હું લોકોનું સન્માન કરૂ છું, ઘમંડી નથી, નફરત ફેલાવતો નથી, મારા માટે આ હિંદુ ધર્મ : ભારત જોડો ન્યાય યાત્રા દરમિયાન રાહુલે આપ્યું નિવેદન
રાહુલ ગાંધીએ કહ્યું કે જ્યાં સુધી ધર્મની વાત છે તો આપણે બધા ધર્મોની સાથે છીએ. અમે કહેવા માંગીએ છીએ કે જે કોંગ્રેસ પાર્ટી છોડવા માંગે છે તે છોડી શકે છે. જેઓ સાચા અર્થમાં ધર્મમાં માને છે તેનો તેની સાથે ’વ્યક્તિગત સંબંધ’ હોય છે. તેઓ તેમના જીવનમાં ધર્મનો ઉપયોગ કરે છે. જેઓ ધર્મ સાથે ’જાહેર સંબંધો’ ધરાવે છે, તેઓ ધર્મનો લાભ લેવાનો પ્રયાસ કરે છે.
રાહુલે કહ્યું- હું મારા ધર્મનો ફાયદો ઉઠાવવાનો પ્રયાસ નથી કરતો, હું મારા ધર્મના સિદ્ધાંતો પર મારું જીવન જીવવાનો પ્રયાસ કરું છું. એટલા માટે હું લોકોનું સન્માન કરું છું, ઘમંડી નથી, નફરત ફેલાવતો નથી. મારા માટે આ હિંદુ ધર્મ છે. અમે નફરત અને વિભાજિત ભારત નથી ઈચ્છતા. અમે પ્રેમ અને ભાઈચારાનું ભારત ઈચ્છીએ છીએ.
રાહુલના આરોપ પર કેન્દ્રીય મંત્રી રાજીવ ચંદ્રશેખરે પ્રતિક્રિયા આપી છે. તેમણે કહ્યું કે રાહુલ કાલ્પનિક દુનિયામાં જીવી રહ્યા છે. રામ મંદિરને લઈને દેશના ખૂણે-ખૂણે હિન્દુઓમાં ઊંડી લાગણી છે. તેઓ વિચારે છે કે તેઓ ગમે તે જૂઠ બોલે, લોકો તેને સ્વીકારશે. પરંતુ ભારતના લોકો ખૂબ જ બુદ્ધિશાળી છે. અમે રાહુલ ગાંધીની રાજનીતિ સમજીએ છીએ. રાહુલને શું જવાબ આપવો તે અમે જનતા પર છોડી દઈશું.
ઇન્ડિયા ગઠબંધનમાં સીટની વહેંચણી અંગે રાહુલે કહ્યું કે ગઠબંધન ચૂંટણી લડશે અને જીતશે. બેઠકોની વહેંચણીને લઈને અમારી વાતચીત ચાલુ છે. મોટાભાગની જગ્યાઓ સરળ છે, કેટલીક જગ્યાઓ પર તે થોડી મુશ્કેલ છે, પરંતુ અમે સીટ શેરિંગનો મુદ્દો સરળતાથી ઉકેલીશું. રાહુલ ગાંધીએ કહ્યું કે ક્ધયાકુમારીથી કાશ્મીર સુધીની છેલ્લી યાત્રા ઐતિહાસિક હતી. લોકોએ અમને કહ્યું કે પૂર્વથી પશ્ચિમ અથવા તો પશ્ચિમથી પૂર્વ તરફની મુસાફરી કરવી જોઈએ. આ પછી પૂર્વથી પશ્ચિમ તરફ જવાનો નિર્ણય લેવામાં આવ્યો. અને મણિપુરથી શરૂઆત કરી હતી.
રાહુલે કહ્યું- મણિપુર સાથે ઘણો અન્યાય થયો. ભારતના કોઈપણ રાજ્યમાં મહિનાઓથી પહેલીવાર હિંસા ચાલી રહી છે. પીએમ મોદી અને બીજેપીના લોકો પણ અહીં આવ્યા નથી. પીએમએ નાગાલેન્ડને આપેલું વચન પૂરું કર્યું નથી.
