રાજકોટ મહાનગરપાલિકા પ્રોજેક્ટ દ્વારા રોજગાર વાંછુક લોકોને દીન દયાળ અંત્યોદય યોજના-રાષ્ટ્રીય શહેરી આજીવિકા મિશન યોજનાનાં સ્વરોજગાર બેન્કેબલ યોજના ઘટક હેઠળ ધંધો રોજગાર શરૂ કરવા માટે બે લાખની મહત્તમ મર્યાદામાં રાષ્ટ્રીયકૃત બેંક મારફત ધિરાણ મળવા પાત્ર છે. આ યોજનાના લાભાર્થીને 7% થી વધુ વ્યાજ ઉપર વ્યાજ સબસીડી મળવાપાત્ર છે. તદઉપરાંત સ્વ રોજગાર બેન્કેબલ યોજના લોન મેળવવા ઇચ્છતા કોઈ પણ પાંચ અથવા વધારે વ્યક્તિઓ (જેમાંથી 70% શહેરી ગરીબ) કે જેઓ શહેરી ગરીબ હોઈ તેને રૂ. 10,00,000/- સુધીની લોન મળવા પાત્ર છે કે જે લોનમાં 7% થી ઉપરના વ્યાજની સબસીડી તરીકે સહાયતા પ્રાપ્ત થાય છે. લોન ભરપાઈ કરવાનો સમય ગાળો 5 વર્ષ થી 7 વર્ષ રહેશે.
આ યોજનાનો લાભ લેવા ઈચ્છતા લાભાર્થીઓને કચેરીના કામકાજના દિવસો દરમ્યાન ડો.આંબેડકર ભવન એનયુએલએમ-સેલ રાજકોટ મહાનગરપાલિકા, ઢેબરભાઈ રોડ, ક્રેડીટ સોસાયટીની ઉપર, પ્રથમ માળ ખાતે સંપર્ક કરવાનો રહેશે.
આજીવિકાસ મિશન યોજના હેઠળ પણ સ્વ-સહાય જુથની રચના
રાજકોટ મહાનગરપાલિકાના હદ વિસ્તારમાં વસવાટ કરતા શહેરી ગરીબ કુટુંબો દિનદયાળ અંત્યોદય યોજના-રાષ્ટ્રીય શહેરી આજીવિકા મિશન યોજનાનાં સામાજીક ગતીશીલતા અને સંસ્થાગત વિકાસ ઘટક હેઠળ સ્વ-સહાય જુથની રચના કરવાની થાય છે. તથા મુખ્યમંત્રી શહેરી આજીવિકા મિશન યોજના હેઠળ પણ સ્વ-સહાય જુથની રચના કરવામાં આવે છે.
જે અંતર્ગત બન્ને યોજનાઓમાં રસ ધરાવતી બહેનો તથા ભાઇઓ નીચે દર્શાવ્યા મુજબની યોજનાકીય લાભ લઇ શકે છે.
