સંકલિત બાળ વિકાસ યોજના સુરેન્દ્રનગરના પ્રોગ્રામ ઓફિસરની એક અખબારી યાદીમાં જણાવ્યા પ્રમાણે કોવિડ ૧૯ સામે સાવચેતીના પગલા રૂપે રાજ્ય સરકારે તમામ આંગણવાડીઓના બાળકોને આંગણવાડીમાં ન લાવવા માટે જરૂરી સૂચના આપેલ છે. જેને ધ્યાને લઈ જૂન માસ દરમિયાન સુરેન્દ્રનગર જિલ્લાના આંગણવાડી કેન્દ્રોના ૩ થી ૬ વર્ષના બાળકોને તેમના ઘરે જઈને ગરમ નાસ્તાના બદલામાં પોષણક્ષમ સુખડીનું વિતરણ કરવામાં આવે છે.
જે અન્વયે કોરોના વાયરસના સંક્રમણ સમયે કોવિડ ૧૯ સામે સાવચેતીના પગલા રૂપે કરાયેલ આ આયોજનના ભાગરૂપે જિલ્લાની કુલ ૧,૩૪૮ આંગણવાડી કેન્દ્રોમાં કાર્યકર અને તેડાગર બહેનો દ્વારા ૩ થી ૬ વર્ષના ૫૪,૫૪૧ બાળકોના ઘરે જઈને દર ગુરુવારે બાળક દીઠ ૧ કિં.ગ્રા. પોષણક્ષણ સુખડીનું વિતરણ કરવામાં આવી રહ્યું છે.
