- અપૂરતા સ્ક્રુ ટોર્કને કારણે ABS મોડ્યુલમાં લીકેજની સમસ્યા થઈ શકે
- સમસ્યાને કારણે બ્રેકિંગ કામગીરીમાં વિક્ષેપ થશે
ઓટોમોબાઇલ
સુઝુકીએ તેની હાયાબુસા બાઇકો (7 જુલાઈ, 2023 થી 28 નવેમ્બર, 2023 વચ્ચે ઉત્પાદિત) માટે રિકોલ જાહેર કરી છે. હાલમાં, આ રિકોલ માત્ર યુએસ મોડલ માટે છે. આ સ્પોર્ટ ટુરર મોટરસાઇકલ જાપાનમાં બનાવવામાં આવી છે, તેથી આ રિકોલ અન્ય દેશોમાં પણ લાગુ પડી શકે છે.
ABS મોડ્યુલમાં સમસ્યાને કારણે કંપનીએ તેની Suzuki Hayabusaને પરત બોલાવી લીધી છે. કંપનીનું કહેવું છે કે નિયમિત નિરીક્ષણ દરમિયાન, એવું જણાયું હતું કે અપૂરતા સ્ક્રુ ટોર્કને કારણે ABS મોડ્યુલમાં લીકેજની સમસ્યા હોઈ શકે છે. આનાથી બ્રેકિંગ કામગીરીમાં ચેડા થશે, જે સંભવતઃ અકસ્માતમાં પરિણમી શકે છે. કંપનીનું કહેવું છે કે તેને ઠીક કરવું સરળ છે. તેમજ આ બાઇકના માલિકોને પણ જાણ કરવામાં આવશે.
Suzukiએ 18 જાન્યુઆરીના રોજ પસંદગીના પ્રદેશો માટે વૈશ્વિક સ્તરે હાયાબુસા વેચાણ પર સસ્પેન્શન નોટિસ જાહેર કરી હતી. તે જ સમયે, આ સમસ્યાને ઉકેલવા માટે, કંપનીએ જાન્યુઆરી 2024માં 2024 Suzuki Hayabusaમૉડલ માટે રિકોલ જાહેર કર્યું હતું. બ્રેકિંગની સમસ્યાને કારણે કંપનીએ માર્ચ 2023માં તેની Suzuki Hayabusaને પણ રિકોલ કરી હતી. Suzukiના જણાવ્યા અનુસાર, મોટરસાઇકલમાં આવતી કેટલીક સમસ્યાઓને કારણે, ફ્રન્ટ બ્રેક માસ્ટર સિલિન્ડર બોડી જે પ્રવાહી દબાણને નિયંત્રિત કરે છે તે બ્લોક થઈ ગઈ હોઈ શકે છે જેના કારણે બ્રેક લીવર છૂટી જાય છે. જો આવું થાય, તો આગળની બ્રેક લગાવ્યા પછી પણ, બાઇકને રોકવા માટે સામાન્ય કરતાં વધુ અંતર કાપવું પડશે. જેના કારણે અકસ્માતનું જોખમ વધી શકે છે.
