કેપ્સિકમ એટલે કે શિમલા મિર્ચને આપણે અત્યાર સુધી ફાસ્ટ ફુડમાં જ વધારે માણ્યું છે. ત્યારે અહિં એવી લીજ્જત સાથે શિમલા મિર્ચની સબ્ઝી બનાવીશું જે આરોગીને તમે આંગળા ચાટતા રહી જશો…..
સામગ્રી :
શિમલા મિર્ચ – ૨ નંગ
ચણાનો લોટ – ૩ ચમચી
ડુંગળી – ૧ લાંબી સમારેલી
લસણ – ચાર કળી
લીલુ મરચું – ૧ નંગ
હળદળ – અડધી ચમચી
ધાણાજીરુ – ૧ ચમચી
રાઇ દાણા – અડધી ચમચી
લાલ મરચું પાઉડર – ૧ ચમચી
જીરુ – અડધી ચમચી
હીંગ – ચપટીક
તમાલ પત્ર – ૧
તેલ – જરુરત મુજબ
સબ્ઝી બનાવવાની રીત :
– શિમલા મિર્ચને ક્યુબનાં આકારમાં સમારો.
– સમારેલાં કેપ્સિકમને ચણાનાં લોટમાં મિક્સ કરી અલગ રાખો.
– એક કડાઇમાં તેલ લઇ ગરમ કરો, તેમાં રાઇ, જીરુ, હિંગ નાંખી વઘાર કરો.
– તે વઘારમાં ડુંગળી, લસણ અને તમાલપત્ર ઉમેરી સોનેરી રંગનું થાય ત્યાં સુધી હલાવો.
– હવે તેમાં કેપ્સિકમ નાંખી આક્રા તાપે પાંચ મિનિટ હલાવો.
– ત્યાર બાદ તેમાં હળદળ, લાલ મરચું, ધાણાજીરું અને વધારાનો ચણનો લોટ ઉમેરી સરસ રીતે મિક્સ કરો.
– આટલું કર્યા બાદ તેને પકાવો, અને જો મસાલો ચોંટવા લાગે તો તેમાં થોડીમાત્રામાં પાણી ઉમેરો પછી કડાઇને ઢાંકી દો. પાંચ મિનિટ બાદ તેને ચેક કરી ગેસ પરથી ઉતારી લ્યો.
– આ લઝીઝ શિમલા મિર્ચ સબ્ઝીને એક બાઉલમાં કાઢી ગરમાં-ગરમ સર્વ કરો.