ઓલિમ્પિક્સમા એક સદી પછી ક્રિકેટ પાછુ ધુમ મચાવશે

2028 લોસ એન્જલસ ઓલિમ્પિક્સ સંપૂર્ણપણે બદલાઈ જશે કારણ કે ઘણી વધુ રમતોનો સમાવેશ કરવામાં આવી રહ્યો છે અને એવી શક્યતાઓ છે કે ક્રિકેટ 128 વર્ષ પછી આગામી ઓલિમ્પિક્સમાં પુનરાગમન કરી શકે છે.

ઓલિમ્પિક્સ એક આંતરરાષ્ટ્રીય રમતોત્સવ છે જેમાં તમામ રાષ્ટ્રો વિવિધ રમતોમાં ભાગ લે છે અને તેમના દેશ માટે મેડલ જીતે છે. આ સ્પર્ધામાં વિવિધ પ્રકારની રમ તોનો સમાવેશ કરવામાં આવ્યો છે અને આ વખતે આંતરરાષ્ટ્રીય ઓલિમ્પિક સમિતિ (IOC) એ 9 સંભવિત નવી રમતો આપીછે જે 2028 LA ઓલિમ્પિક્સમાં સામેલ થવા જઈ રહી છે અને તે નીચે મુજબ છે:

1. ક્રિકેટ

2. બેઝબોલ

3. ફ્લેગ ફૂટબોલ

4. સોફ્ટ બોલ

5. બ્રેક ડાન્સિંગ

6. કરાટે

7. સ્ક્વોશ

8. મોટરસ્પોર્ટ

9. લેક્રોસ

ઇન્ટરનેશનલ ક્રિકેટ કાઉન્સિલ (ICC) એ IOC ને ભલામણ કરી કે ક્રિકેટના T20 ફોર્મેટનો સમાવેશ કરવામાં આવે અને ટોચની 6 ટીમોને ભાગ લેવા દેવાની આ બાબત પુરૂષ અને મહિલા ક્રિકેટ ટીમો બંને માટે હતી. T20 ફોર્મેટની ભલામણ કરવામાં આવી હતી કારણ કે IOC તે ફોર્મેટનો સમાવેશ કરવા માંગતી હતી જેના માટે વર્લ્ડ ચેમ્પિયનશિપ પણ યોજાય છે તેથી ICCએ T20 ફોર્મેટની ભલામણ કરી હતી.

ઓલિમ્પિકમાં છેલ્લે 1900 ફ્રાન્સ ઓલિમ્પિકમાં ક્રિકેટ રમાઈ હતી તેથી હવે 128 વર્ષ બાદ ફરીથી ક્રિકેટનો સમાવેશ થવા જઈ રહ્યો છે. IOC એ ક્રિકેટ અને અન્ય 8 રમતોને સામેલ કરવાના તેમના નિર્ણય વિશે કોઈ સત્તાવાર નિવેદન આપ્યું નથી, આ નિર્ણય 15 અથવા 16 ઓક્ટોબરે આંતરરાષ્ટ્રીય ઓલિમ્પિક કાઉન્સિલ દ્વારા આયોજિત સત્રમાં આપવામાં આવશે.