અધૂરી ઊંઘ માત્ર સ્વાસ્થ્યને જ નહિ પરંતુ તે તમારા રોમેન્ટિક સંબંધો માટે પણ જોખમી છે. જો આ દિવસોમાં તમારા સંબંધોમાં કડવાશ છે, તો શું તે તમારી ઉંઘ ન આવવાને કારણે હોઈ શકે છે? જાણો શું કહે છે સંશોધન.
સારા સ્વાસ્થ્ય માટે ઊંધ જરૂરી માનવામાં આવે છે. તે માત્ર શરીરને એનર્જીથી ભરવા અને કોઈપણ પ્રકારની ઈજાને ઠીક કરવા માટે જરૂરી નથી પરંતુ માનસિક સમસ્યાઓને દૂર રાખવાનું પણ કામ કરે છે. આટલું જ નહીં, નવા સંશોધનમાં એ પણ જાણવા મળ્યું છે કે જો તમે સુખી સંબંધ ઇચ્છતા હોવ તો રાત્રે સારી ઊંઘ લેવી ખૂબ જ જરૂરી છે.
જર્નલ ઓફ સોશિયલ એન્ડ પર્સનલ રિલેશનશિપને ટાંકીને કહેવામાં આવ્યું છે કે જો તમને થોડા મહિનાઓ સુધી સારી કે સંપૂર્ણ ઊંઘ ન આવી રહી હોય, તો તે તમારામાં ગુસ્સો ઉત્પન્ન કરવાનું શરૂ કરે છે અને તેના કારણે લોકો સાથે તમારા સંબંધો ખરાબ થઈ જાય યાતો બગડી શકે છે.
આ પહેલા પણ રિસર્ચમાં જાણવા મળ્યું હતું કે ઊંઘની ગુણવત્તા અને ઓછી ઊંઘને કારણે આપણને ઘણી નકારાત્મક અસરોમાંથી પસાર થવું પડે છે. આના કારણે સમસ્યાનું નિરાકરણ ન આવવું, ભાવનાત્મક બુદ્ધિમત્તા, હંમેશા ચીડિયાપણું કે ખરાબ મૂડમાં રહેવું જેવી સમસ્યાઓ શરૂ થાય છે.
રિસર્ચમાં એવું પણ જાણવા મળ્યું છે કે જો તમને ઊંડી અને સંપૂર્ણ ઊંઘ ન આવે તો તમારા સંબંધો પર તેની નકારાત્મક અસર થવા લાગે છે અને તે તમારા ઘનિષ્ઠ સંબંધોને પણ ઝડપથી બગાડી શકે છે.
અમેરિકા અને યુરોપમાં કરવામાં આવેલા આ અભ્યાસમાં 700 થી વધુ લોકો પર સંશોધન કરવામાં આવ્યું હતું અને જાણવા મળ્યું હતું કે ઊંઘની ગુણવત્તા ઓછી અથવા ખરાબ હોવાને કારણે તેમના પ્રેમ સંબંધમાં સંતોષ ઓછો થયો હતો અને દરેક સમયે એકબીજા પ્રત્યે નારાજગી જોવા મળી હતી
આટલું જ નહીં, લાંબા સમયથી ઊંઘ ન આવવાને કારણે પ્રેમ સંબંધો પર વિપરીત અસર પડી હતી અને છૂટાછેડા જેવી પરિસ્થિતિ પણ સર્જાઈ શકે છે. આવી પરિસ્થિતિઓથી બચવા માટે જરૂરી છે કે તમે ઓછામાં ઓછા 7 કલાકની ઊંઘ લો અને તમારા પાર્ટનરની મદદ લો.
જો તમે પૂરતી ઊંઘ નથી લઈ શકતા અને તમે તમારા સંબંધોમાં સમસ્યાઓ અનુભવવા લાગ્યા છો, તો કેટલીક બાબતોનું ધ્યાન રાખવું ખુબજ જ જરૂરી છે. આ માટે તે વધુ સારું રહેશે કે જ્યારે પણ તમે કોઈ વસ્તુ પર વધુ પડતી પ્રતિક્રિયા આપો તો પહેલા યાદ રાખો કે તમારી ઉંઘ ન આવવાનું કારણ છે કે નહીં.
જો ઊંઘની ઉણપ તમારા મૂડ પર નકારાત્મક અસર કરી રહી છે, તો સારું રહેશે કે તમે તમારા પાર્ટનરને બધુ જ જણાવો અને તેમને એ પણ જણાવો કે ઊંઘના અભાવને કારણે તેઓ કેવી રીતે વિચારવામાં, સમજવામાં અને વર્તનમાં સમસ્યાઓનો સામનો કરી રહ્યા છે.
જો તમે તમારી સમસ્યા તમારા પાર્ટનર સાથે શેર કરો અને સાથે મળીને સમસ્યાનું સમાધાન વિચારો તો સંબંધોમાં વધતી જતી કડવાશને રોકી શકાય છે. આટલું જ નહીં, જ્યારે પણ તમને ગુસ્સો આવે છે, ત્યારે તમારી જાતને રોકવું અને વધુ પડતી પ્રતિક્રિયા આપતા પહેલા તમારી જાતને શાંત કરવાનો પ્રયાસ કરવાથી પણ તમારા સંબંધને તૂટવાથી બચાવવામાં મદદ મળી શકે છે.
