એનઆઈએના વોન્ટેડ લિસ્ટમાં હતો સામેલ, આતંકી સંગઠનની ફંડ સહિતની અનેક પ્રવૃત્તિ ચલાવતો હતો
આઈએસઆઈએસ ઈન્ડિયા ચીફ હરીશ અજમલ ફારૂકી અને તેના સાથીની આસામ એસટીએફ દ્વારા ધુબરી સેક્ટરના ધર્મશાલા વિસ્તારમાંથી ધરપકડ કરવામાં આવી હતી. આ બંને આરોપીઓને એનઆઈએ દ્વારા વોન્ટેડ લિસ્ટમાં સામેલ કરવામાં આવ્યા હતા. ફારૂકી દેહરાદૂનના ચકરાતાનો રહેવાસી છે. તે ભારતમાં આઈએસઆઈએસનો વડો છે. આ સાથે એસટીએફએ હરિસના સહયોગી અનુરાગ સિંહ ઉર્ફે રેહાનની પણ ધરપકડ કરી છે.
આસામ પોલીસના પીઆરઓ પ્રણવજ્યોતિ ગોસ્વામીએ જણાવ્યું કે તેઓ બાંગ્લાદેશ સરહદેથી ભારત આવવાની માહિતી મળી હતી. ધર્મશાલા વિસ્તારમાં આંતરરાષ્ટ્રીય બોર્ડર પર પોલીસ તૈનાત કરવામાં આવી હતી. આરોપીઓને સવારે 4.15 કલાકે શોધી કાઢવામાં આવ્યા હતા. આ પછી તેની ધરપકડ કરવામાં આવી હતી. બંનેને ગુવાહાટી સ્થિત એફટીએફ ઓફિસમાં લાવવામાં આવ્યા છે.પોલીસના જણાવ્યા અનુસાર અનુરાગ સિંહ પાણીપતનો રહેવાસી છે. તેણે ઇસ્લામ ધર્મ અપનાવ્યો છે. તેની પત્ની બાંગ્લાદેશી નાગરિક છે.
પોલીસના જણાવ્યા અનુસાર બંને ફંડ એકઠું કરવામાં અને આતંકવાદી ગતિવિધિઓને અંજામ આપવામાં સામેલ છે. આ બંને વિરુદ્ધ દિલ્હી અને લખનઉમાં કેસ નોંધાયેલા છે. અધિકારીએ કહ્યું કે આગળની કાર્યવાહી માટે બંનેને એનઆઈએને સોંપવામાં આવશે. ઉલ્લેખનીય છે કે આઈએસઆઈએસ (ઇસ્લામિક સ્ટેટ ઓફ ઇરાક એન્ડ સીરિયા) એ મધ્ય પૂર્વમાં કાર્યરત સુન્ની આતંકવાદી સંગઠન છે. તેની રચના 2013-2014 દરમિયાન કરવામાં આવી હતી.
આ સાથે જ તેણે પોતાના નેતા અબુ બકર અલ-બગદાદીને વિશ્વના તમામ મુસ્લિમોનો ખલીફા જાહેર કર્યો હતો. તેનો ઉદ્દેશ્ય સમગ્ર વિશ્વમાં ઇસ્લામિક રાજ્યની સ્થાપના કરવાનો છે. શરૂઆતમાં અલકાયદા પણ તેની સાથે સંકળાયેલી હતી, બાદમાં તેણે આ સંગઠનથી અલગ થઈ ગઈ.આ અલ કાયદા કરતાં વધુ મજબૂત અને ક્રૂર સંગઠન છે. તે વિશ્વનું સૌથી ધનિક આતંકવાદી સંગઠન છે, જેનું બજેટ બે અબજ ડોલર છે. આ નાણાં ખંડણી, લૂંટ, ક્રૂડ ઓઈલના વેચાણ, પાવર પ્લાન્ટ અને વિદેશી દાન દ્વારા એકત્ર કરવામાં આવે છે. આ સંસ્થાને દર મહિને કરોડો રૂપિયાનું દાન આપવામાં આવે છે. 2013માં આ સંસ્થાને ખાડી દેશોમાંથી જ 10 કરોડ રૂપિયાનું દાન મળ્યું હતું.