નજીવી બાબતમાં જીવન ટુકાવ્યું
જામનગર જિલ્લાના જામજોધપુર તાલુકાના ગોપ ગામના એક યુવાનને તેના પિતાએ કામ ધંધો કરવા બાબતે ઠપકો આપતાં માઠું લાગવાથી ટ્રેન હેઠળ પડતું મૂકી આત્માહત્યા કરી લીધી છે.
જામજોધપુર તાલુકાના મોટી ગોપ ગામમાં રહેતા અને છૂટક મજૂરી કરતા મહેશ ઉર્ફે કાનો રાજુભાઈ ગરચર નામના ૨૨ વર્ષના યુવાને મોટી ગોપ ગામના રેલવે સ્ટેશન નજીક ની રેલ્વે લાઈન પર ટ્રેન હેઠળ પડતું મૂકી આત્મહત્યા કરી લીધી છે.
આ બનાવ અંગે મૃતકના પિતા રાજુભાઈ નાજાભાઇ ગરચરે પોલીસને જાણ કરતાં જામજોધપુર પોલીસે
મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે.
પોલીસમાં જાહેર કરાયા અનુસાર મૃતક કામ ધંધો કરતો ન હોવાથી તેના પિતાએ ઠપકો આપ્યો હતો. લાગી આવતાં આ પગલું ભરી લીધાનું જાહેર થયું છે.
સાગર સંઘાણી
