જામનગર સમાચાર
જામનગર તાલુકાના ખીમરાણા ગામમાં આવેલા ખીમેશ્વર મહાદેવના મંદિરે પૂજા કરવા માટે આવેલા એક ભકતે પૂજારી પર હુમલો કરી દીધા નું પોલીસમાં જાહેર થયું છે, જયારે સામા પક્ષે પૂજારી સામે પણ હુમલા અંગે ની વળતી ફરિયાદ નોંધાવાઇ છે.
જામનગર તાલુકાના ખીમરાણા ગામમાં આવેલા મંદિરે સેવા પૂજા કરતા કર્ણદેવસિંહ જાડેજાએ પોતાના ઉપર લોખંડની ડોલ વડે હુમલો કરી ઇજા પહોંચાડવા અંગે પૂજા કરવા માટે આવેલા ખીમરાણા ગામના દિનેશ શાંતિલાલ ધારવીયા સામે ફરિયાદ નોંધાવી છે.
જયારે સામા પક્ષે દિનેશ ધારવીયા એ પૂજા કરવા બાબતે પોતાની સાથે તકરાર કરી મંદિરમાં રહેલા લાકડાના ધોકા વડે હુમલો કરી હાથ પગમાં ફેક્ચર સહિતની ઈજા પહોંચાડવા અંગે પૂજારી કરણદેવસિંહ પ્રવીણસિંહ સામે વળતી ફરિયાદ નોંધાવી છે. સમગ્ર મામલે પંચકોશી એ. ડિવિઝનનો પોલીસ સ્ટાફ તપાસ ચલાવે છે.
