1984માં રાકેશ શર્માની અંતરિક્ષ યાત્રા પછી ભારતીય નાગરિક દ્વારા ફરી અવકાશ યાત્રા આવતા વર્ષની શરૂઆતમાં થવાની સંભાવના છે. નાસાના એડમિનિસ્ટ્રેટર બિલ નેલ્સને જાહેરાત કરી હતી કે, યુએસ 2024ના અંત સુધીમાં ભારતીય અવકાશયાત્રીને આંતરરાષ્ટ્રીય અંતરિક્ષ સ્ટેશન પર મોકલવામાં મદદ કરશે.
અધધધ રૂ.82 હજાર કરોડના ખર્ચે નિસાર ઉપગ્રહના લોન્ચિંગમાં પણ ઈસરો સાથે નાસા જોડાશે : નાસાના એડમિનિસ્ટ્રેટર બિલ નેલ્સની અનેક મહત્વપૂર્ણ જાહેરાત જાહેરાત
અવકાશયાત્રીની પસંદગી ઇસરો દ્વારા કરવામાં આવશે, નાસા તેનો ભાગ નહીં હોય.તેવું પણ તેઓ દ્વારા જણાવાયું છે. ઇસરો દ્વારા મિશનની વિગતો તૈયાર કરવામાં આવી રહી છે, ભારત-યુએસ અવકાશ સહયોગને વધારવા માટે ભારતની મુલાકાતે આવેલા નેલ્સને તેમ જણાવાયુ હતું.
ભારત યુએસ માટે એક મહાન ભાગીદાર છે અને અવકાશમાં અવકાશયાત્રીઓની પ્રવૃત્તિઓ માટે પણ એક મહાન ભાવિ ભાગીદાર છે. અમેરિકા આવતા વર્ષે ચંદ્રના દક્ષિણ ધ્રુવ પર અનેક ખાનગી લેન્ડર્સ લોન્ચ કરશે. પરંતુ હકીકત એ છે કે ભારત ત્યાં પ્રથમ ઉતર્યું તે અભિનંદનને પાત્ર છે, નાસાના વડાએ કહ્યું.
નેલ્સન એક ઉચ્ચ સ્તરીય યુએસ પ્રતિનિધિમંડળનું નેતૃત્વ કરે છે જેણે અવકાશ મંત્રી જિતેન્દ્ર સિંહ સાથે મુલાકાત કરી હતી અને ઐતિહાસિક ચંદ્રયાન-3 લેન્ડિંગ માટે તેમને અભિનંદન આપ્યા હતા.
નાસા ભારત સાથે આંતરગ્રહીય મિશનની યોજના બનાવવા માટે તૈયાર છે પરંતુ તે બધું ઈસરો પર નિર્ભર છે. તેમણે અંતરિક્ષ મંત્રી જિતેન્દ્ર સિંહને નાસા રોકેટ પર સવાર ભારતના પ્રથમ અવકાશયાત્રીને ઈન્ટરનેશનલ સ્પેસ સ્ટેશન પર મોકલવા સંબંધિત કાર્યક્રમને ઝડપી બનાવવા પણ કહ્યું હતું.
ભારત-યુએસ સહયોગ પર, નાસાના વડાએ કહ્યું, અમે સાથે મળીને ઘણું સંશોધન કરી રહ્યા છીએ. ભારત, યુએસ સાથેના સંયુક્ત સાહસમાં, આવતા વર્ષના પ્રથમ ત્રિમાસિક ગાળામાં સૌથી મોંઘા ઉપગ્રહ નાસા-ઇસરો સિન્થેટિક એપરચર રડાર લોન્ચ કરશે. આ ઉપગ્રહની કિંમત લગભગ 1 બિલિયન ડોલર હોવાની ધારણા છે. નિસાર પૃથ્વીની સપાટી અને તેની આબોહવાને જોશે. તે તેની સપાટી – જમીન અથવા પાણીમાં – અથવા બરફના જથ્થામાં કોઈપણ હિલચાલને માપશે. આ ખૂબ જ મહત્વપૂર્ણ માહિતી હશે કારણ કે નિસાર ત્રિ-પરિમાણીય મોડલ આપશે અને અમને જણાવશે કે આપણા ગ્રહ પર શું થવાનું છે. અને આ ડેટા નાસાની વેબસાઈટ પર બધા માટે ઉપલબ્ધ હશે.
ભારતને પોતાના પ્રથમ સ્પેસ સ્ટેશનના નિર્માણમાં પણ મદદ કરવા નાસા આતુર
નાસાના એડમિનિસ્ટ્રેટર બિલ નેલ્સને અહીં જણાવ્યું હતું કે જો અમેરિકા ઈચ્છે તો દેશના પ્રથમ સ્પેસ સ્ટેશનના નિર્માણમાં ભારત સાથે સહયોગ કરવા તૈયાર છે. તેઓએ કહ્યું કે મને લાગે છે કે ભારત 2040 સુધીમાં કોમર્શિયલ સ્પેસ સ્ટેશન મેળવવા માંગે છે. જો ભારત અમારી સાથે સહયોગ કરવા માંગે છે.વડાપ્રધાન નરેન્દ્ર મોદીએ ઈસરોને 2035 સુધીમાં ભારતીય સ્પેસ સ્ટેશન બનાવવા અને 2040 સુધીમાં ચંદ્ર પર અવકાશયાત્રીઓ ઉતારવાનું લક્ષ્ય રાખવા જણાવ્યું છે. નેલ્સન મંગળવારે વિજ્ઞાન અને ટેક્નોલોજી પ્રધાન જિતેન્દ્ર સિંહને મળ્યા હતા અને સ્પેસ બિઝનેસ લીડર્સ સાથે મીટિંગ માટે મુંબઈ જવાના છે. તેઓ બેંગલુરુમાં ઈસરોના હેડક્વાર્ટરની પણ મુલાકાત લેવાના છે અને ભારતીય અવકાશયાત્રી રાકેશ શર્માને મળવાના છે.
