હાસ છુટકારો મળ્યો….. નાનકડા એવા કોવીડ-19 વાયરસ સમગ્ર વિશ્વ માટે સમસ્યા સર્જી દીધી અને દિવસો મહિનાઓ સુધી ઘરમાં પુરાવાની નોબત લાવી દીધી હતી પરંતુ દરેકે કાળા વાદળ ને પણ એક રૂપેરી કિનારી હોય છે અંધારી રાત પછી ચમકતો સૂર્યોદય આવે છે.
હવે કોરોના ના વળતા પાણી શરૂ થઈ ચૂક્યા છે અને પ્રતિબંધો પણ આંશિક રીતે હળવા કરી દેવામાં આવતા ગઈકાલે રાજકોટીયન્સેે રવિવારે લોકો ઉત્સવ મનાવી લીધો હોય તેમ લાંબા સમયથી ઘરમાં પુરાયેલા રહેતા લોકો રવિવારે સાગમટે ફરવા નીકળી પડ્યા હતા શહેરના તમામ ફરવાલાયક સ્થળો અને હોટલ રેસ્ટોરન્ટ ઉપરાંત આજુબાજુના પ્રાકૃતિક સૌંદર્ય ધરાવતા વિસ્તારોમાં ચારેકોર માનવ મહેરામણ ઉમટી પડ્યું હતું,
રાજકોટની પ્રજા આમ પણ રંગીલા સ્વભાવની ગણાય છે રવિવારે ઘરમાં કેદ રહેલી પ્રજાએ છુટકારો મળ્યાનો અને મુક્તિનો આનંદ ભરપેટ માણી લીધો હતો શહેર અને આસપાસના બાગ બગીચા કુદરતી ઉદ્યાનો બાળકોના આનંદ કિલ્લોલથી ગુંજી ઉઠ્યા હતા.
સાથે સાથે સ્વાદ શોખીનો એ રેસ્ટોરન્ટ હોટલ મ હાઉસફૂલના બોર્ડ લગાવી દીધા હતા આજી ન્યારી જુબેલી રેસકોર્સ સહપરિવાર મેદની અને યુવાનોની સાથે સાથે વડીલો એ પણ મુક્તિ નો આનંદ લીધો હતો.જોકે લાંબાસમય પછી બહાર નીકળવાના આ અવસમાં ક્યાંક ક્યાંક માસ્ક અને સોશિયલ ડીસ્ટનસ ના નિયમો ની જાળવણી વિસરાઈ ગઈ હતી.
