ધોરણ 12 વિજ્ઞાન પ્રવાહના વિદ્યાર્થીઓ માટે ગુજકેટની પરીક્ષાને લઈને મોટા સમાચાર આવ્યા છે. વિજ્ઞાન પ્રવાહના વિદ્યાર્થીઓ માટે ડિગ્રી એન્જીયરીંગ, ડિગ્રી અને ડિપ્લોમા ફાર્મસીમાં પ્રવેશ માટે લેવામાં આવતી ગુજકેટ-2021ની પરીક્ષાના ફોર્મ ભરવા માટેની અંતિમ તારીખ લંબાવવામાં આવી છે. ગુજકેટની પરીક્ષા માટે ફોર્મ ભરવાની અંતિમ તારીખ લંબાવીને 4 જુલાઈ 2021 કરવામાં આવી છે.
ઓનલાઇન ફોર્મ ભરવાની સૂચનાઓ અને માહિતી વેબસાઈટ પર મૂકવામાં આવી
મહત્વપૂર્ણ છે કે ગુજેકેટ-2021 માટે ફોર્મ ભરવાની ગત 23 જુનના રોજ કરવામાં આવી હતી. જેની અંતિમ તારીખ 30 જૂન હતી, જે હવે વધારીને 4 જુલાઈ કરવામાં આવી છે. ગુજકેટના ઉમેદવારો હવે 4 જુલાઈ સુધી ગુજકેટના ફોર્મ ભરી શકશે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા જાહેરાત કરતા માહિતી આપવામાં આવી છે. ગુજકેટના ફોર્મ બોર્ડની સત્તાવાર વેબસાઈટ gseb.org પરથી ભરી શકાશે. સાથે જ બોર્ડ દ્વારા જણાવવામાં આવ્યું છે કે ગુજકેટની પરીક્ષા માટે ઓનલાઇન ફોર્મ ભરવાની સૂચનાઓ અને માહિતી પુસ્તિકા પણ વેબસાઈટ પર મુકવામાં આવેલ છે.
