જન આરોગ્ય માટે અતિ જોખમી એવા બાયો મેડિકલ વેસ્ટનો નિકાલ મીની ટીપરવાનમાં કરવા સબબ સામાકાંઠા વિસ્તારમાં કોઠારીયા રોડ પર આવેલી એ.જે.હોસ્પિટલના ડો.વિક્રમભાઈ રાણપરાને રૂ.૧૦ હજારનો દંડ ફટકારવામાં આવ્યો છે.આ અંગે પ્રાપ્ત થતી વધુ વિગત મુજબ શહેરના પૂર્વ ઝોન વિસ્તારમાં વોર્ડ નં.૧૬માં કોઠારીયા રોડ પર આવેલી કે.જે.હોસ્પિટલ દ્વારા બાયો મેડિકલ વેસ્ટ મીની ટીપરમાં નાખવામાં આવતો હોવાની જાણ ટીપરના ડ્રાઈવર તથા કલીનર દ્વારા વોર્ડના સેનેટરી ઈન્સ્પેકટરને કરવામાં આવી હતી. જેના અનુસંધાને આજે વોર્ડના એસ.એસ.આઈએ હોસ્પિટલના સ્ટાફને મેડીકલ વેસ્ટનો નિકાલ મીની ટીપરમાં કરતા રંગેહાથે ઝડપી લીધા હતા અને મેડિકલ વેસ્ટનો અયોગ્ય નિકાલ કરવા સબબ કે.જે.હોસ્પિટલના ડો.વિક્રમ રાણપરાને રૂ.૧૦ હજારનો દંડ ફટકારવામાં આવ્યો હતો.આ કામગીરી પૂર્વ ઝોનના નાયબ મ્યુનિ.કમિશનર અરુણ મહેશબાબુના માર્ગદર્શન હેઠળ સોલીડ વેસ્ટ મેનેજમેન્ટના નાયબ પર્યાવરણ ઈજનેર પ્રજેશ સોલંકી, મદદનીશ પર્યાવરણ ઈજનેર જીજ્ઞેશ વાઘેલા, વિલાસ ચીકાણી અને વોર્ડના એસએસઆઈ એ.એફ.પઠાણ તથા બી.જે.સોલંકી દ્વારા કરવામાં આવી હતી.
Trending
- સામાજિક સંસ્થાઓએ સહકારી ક્ષેત્રમાં ‘ચંચુપાત’ન કરવો જોઈએ : જયેશ રાદડિયા
- કર્ણાવતી સ્કુલનું ધો.10નું શ્રેષ્ઠ પરિણામ
- રફાળેશ્વર પાસે સગીરાનું શંકાસ્પદ મોત, પ્રેમીએ દવા પીવડાવ્યાનો પરિવારનો આક્ષેપ
- પૂજા હોબી સેન્ટરનો દબદબો: 33 ગોલ્ડ, 14 સિલ્વર અને 6 બ્રોન્ઝ મેડલ જીત્યા
- હવે પર્યાવરણનું જતન ન્યાયતંત્ર જ કરાવી શકે!
- જૈન આચાર્ય લોકેશજીએ ઉત્તરાખંડ રાજભવનની ગૌશાળામાં કરી ગાયોની સેવા
- શ્રેયાંશ સ્કુલનું અભૂતપૂર્વ પરિણામ: વિદ્યાર્થીઓમાં અનેરો આનંદ
- નવા કોર્ટ સંકુલમાં 100 દિવસમાં 30 કેસોમાં સજાનું એલાન