ટંકારા તાલુકાના છત્તર ગામે રહેતા યુવક ઉપર દીકરી સાથે ફોનમાં વાત કરવાનું મનદુ:ખ રાખી ગામમાં જ રહેતા ત્રણ શખ્સો દ્વારા લોખંડના પાઇપ વડે હુમલો કરતા યુવકને માથામાં ઇજા થઇ હતી ત્યારે બનાવ બાબતે ટંકારા પોલીસ મથકમાં ત્રણેય શખ્સો સામે ફરિયાદ નોંધાવી હતી.
મળતી માહિતી અનુસાર છત્તર ગામે રહેતા રાજેશભાઈ ઉર્ફે રજુ દેવજીભાઈ સારેસા યુવતી સાથે મોબાઈલ ફોનમાં વાત કરતો હોય જેનું મનદુ:ખ રાખી રાત્રીના અંદાજે 9 વાગ્યાના સુમારે છત્તર ગામે આવેલ હનુમાનજીના મંદિરે પ્રગટાવેલ હોળી પાસે હોય ત્યારે આરોપી ભરતભાઈ અરવિંદભાઈ રાઠોડ, વિનોદભાઈ બાલાભાઈ રાઠોડ તથા રોહિતભાઈ વિનોદભાઈ રાઠોડ રહે.તમામ છત્તર ગામવાળા ત્યાં આવીને રાજેશભાઈ ઉર્ફે રાજુ સાથે ઝપાઝપી કરી ગાળો આપી લોખંડના પાઇપ વડે માથાના ભાગે એક ઘા માર્યો હતો તથા ત્રણેય મળીને ઢીકાપાટુનો માર મારી જાનથી મારી નાખવાની ધમકી આપી હતી.
રાજેશભાઈ ઉર્ફે રાજુને હુમલામાં માથાના ભાગે બે ટાકા આવ્યા હતા ત્યારે સમગ્ર બનાવ મામલે રાજેશભાઈ ઉર્ફે રાજુએ ટંકારા પોલીસ મથકમાં ત્રણેય આરોપીઓ વિરુદ્ધ ફરિયાદ નોંધાવતા હાલ પોલીસે આરોપીઓ સામે આઇપીસી ની અલગ અલગ કલમ હેઠળ ગુનો નોંધી આગળની ધોરણસરની કામગીરી હાથ ધરી છે.
