રક્ષાબંધનના પવિત્ર પર્વ પૂર્વે રાજકોટની મુલાકાતે આવેલા રાજયના મુખ્યમંત્રી વિજયભાઇ રૂપાણી અને નાયબ મુખ્યમંત્રી નીતીનભાઇ પટેલને રાજકોટના મેયર બીનાબેન આચાર્ય, પૂર્વ ધારાસભ્ય ભાનુબેન બાબરીયા, રુપાબેન શીલુ અને નયનાબેન પેઢરીયા સહિતના મહિલા અગ્રણીઓએ રક્ષાબંધનના પ્રતિકરૂપે રાખડી બાંધી, મો મીઠુ કરી આર્શીવચનનો પાઠવીને ભાઇ બહેનના અતૂટ પ્રેમના બંધન સમા રક્ષા બંધનના પર્વની ઉજવણી કરી હતી. આ તકે સાંસદ અભયભાઇ ભારદ્વાજ, મ્યુનિ. ફાયનાન્સ બોર્ડના ચેરમેન ધનસુખભાઇ ભંડેરી અને નીતીન ભારદ્વાજ સહિતના આગેવાનો ઉ૫સ્થિત રહ્યા હતા.
