હાલમાં જ કપિલ શર્મા તથા સુનીલ ગ્રોવર વચ્ચેનો ઝઘડો ચર્ચામાં છે. સુનીલ ગ્રોવરે કપિલ સાથે કામ કરવાની ના પાડી દીધી છે. સુનીલ ગ્રોવર અલગથી પોતાના શો કરી રહ્યો છે. તેણે પોતાના નવા શોની જાહેરાત સોશ્યિલ મીડિયામાં કરી છે અને શોનું પોસ્ટર પણ શૅર કર્યું છે. ખાસ વાત એ છે કે કપિલ શર્માનો સપોર્ટર કિકુ શારદા પણ આ શોમાં કામ કરી રહ્યો છે. પોસ્ટરમાં સુનીલ ડૉ. મશહૂર ગુલાટીના રોલમાં તથા કિકુ બમ્પર નર્સના રોલમાં જોવા મળે છે.
