- ભેટાલી પાસે બે કાર વચ્ચે ગમખ્વાર અકસ્માત સર્જાયો
- શિક્ષક અને બુટલેગર બંન્નેના મોત નીપજ્યા
અરવલ્લી ન્યુઝ : અરવલ્લીના ભેટાલી પાસે બે કાર વચ્ચે ગમખ્વાર અકસ્માત સર્જાયો હતો. જેમાં બે લોકોના મોત થયા છે. જેમાં એક શિક્ષક અને બીજો વ્યક્તિ બુટલેગર હતો. શિક્ષક ગોપીચંદ ડાભી ચૂંટણીની કામગીરી પૂર્ણ કરી વતન જેસિંગપુર આવી રહ્યા હતા. તે સમયે બુટલેગર નીતિન બલેવા પુરપાટ ઝડપે કાર હંકારી આવી રહ્યો હતો. બંન્ને કાર સામ-સામે અથડાઇ હતી. શિક્ષક અને બુટલેગર બંન્નેના મોત નીપજ્યા છે. શિક્ષકના મોતથી વતનમાં શોકની લાગણી ફેલાઇ છે. ઘટનાને પગલે પોલીસે સમગ્ર મામલે કાર્યવાહી હાથ ધરી છે.
રુતુલ પ્રજાપતિ
