પર્યાવરણને લગતી પહેલ: રાજકોટ રેલ્વે સ્ટેશન ખાતે આપોઆપ પ્લાસ્ટિકની બોટલ ક્રશિંગ મશીનની સ્થાપના
રાજકોટ રેલવે સ્ટેશનને સુઘડ અને સ્વચ્છ રાખવા માટે અને પ્લેટફોર્મ પર પ્લાસ્ટિકના બોટલ ફેંકવામાં અટકાવવા, પ્લેટફોર્મ નં .1 પર આપમેળે પ્લાસ્ટિકની બોટલ ક્રશિંગ મશીન સ્થાપિત કરવામાં આવી છે. આ મશીનનું આજે રાજકોટ ખાતે એક વરિષ્ઠ રેલવે કર્મચારી મહાવીર સિંઘ જાડેજા (ઇન્ચાર્જ ટ્રાફિક વર્કશોપ-રાજકોટ) દ્વારા ઉદ્ઘાટન કરવામાં આવ્યું, જે આ મહિને નિવૃત્ત થશે. રાજકોટ વિભાગના વિભાગીય રેલવે મેનેજર શ્રી પી બી નિનવે, સિનિયર ડિવિઝનલ કોમર્શિયલ મેનેજર શ્રી રવિન્દ્ર શ્રીવાસ્તવ, એસીએમ (ગૂડ્સ) મિસ નીલમ ચૌહાણ, સ્ટેશન ડિરેક્ટર શ્રી મહેન્દ્ર સિંહ અને અન્ય રેલવે અધિકારીઓ અને સ્ટાફ આ પ્રસંગે હાજર હતા.
આ બોટલ ક્રશિંગ મશીન 24 × 7 (24 ક્લાક) ચાલશે અને જે કોઈ બોટલને ફેંકી દેવા માગે છે તેને ફક્ત મશીનની આગળ ઉપલબ્ધ સ્લોટમાં સામેલ કરવું પડશે. મશીન પછી બોટલને નાના નાના ટુકડાઓમાં કચડી નાખે છે જેને સરળતાથી રિસાયકલ કરી શકાય છે. મશીન દરરોજ 5000 બોટલને હેન્ડલ કરી શકે છે. અત્યારથી, સ્ટેશનમાં પ્લાસ્ટિક બોટલ ફેંકવાની જગ્યાએ, હવે મુસાફરો તેને ક્રશિંગ મશીનમાં ડમ્પ કરી શકે છે.
કોર્પોરેટ સોશિયલ રિસ્પોન્સિબિલિટી સ્કીમ હેઠળ ઇન્ડિયન રેલવે કેટરિંગ એન્ડ ટુરિઝમ કોર્પોરેશન (આઈઆરસીટીસી) દ્વારા રૂ. 1.15 લાખના ખર્ચે આ મશીનની સ્થાપના કરવામાં આવી છે. જામનગર સ્ટેશન ખાતે જલદી જ આ મશીન સ્થાપિત કરવામાં આવશે.
ડીઆરએમ શ્રી નિનવેએ મુસાફરોને આ મશીનનો ઉપયોગ કરવાની અને રેલવે સ્ટેશન સુઘડ અને સ્વચ્છ રાખવામાં મદદ કરવાની અપીલ કરી છે.
