કોરોનાના ત્રીજા તબકકાની હજુ શરૂઆત નહી પણ મંદ ગતિએ વધતા જતા કેસ ઝડપી ખતરો નોતરી શકે

ડરો નહીં… ત્રીજી લહેર હજુ આવી નથી

ઘણા રાજયોમાં સંક્રમણ ફરી વધ્યું પણ બીજી લહેરની જેમ ત્રીજી લહેર જીવલેણ સાબિત નહી થાય: વૈજ્ઞાનિકો

કાચિંડાની જેમ રંગ બદલતા કોરોના સમયાંતરે નવું જોખમ ઉભું કરી રહ્યો છે. નવા મયૂટન્ટ, નવા વેરીએન્ટ્સથી કોવિડ-19ના રોગચાળાનો વ્યાપ વધ્યો છે. ભારતમાં હજુ બીજી લહેર પૂર્ણ થઈ છે ત્યાં સંભવિત ત્રીજી લહેરનો ખતરો તોળાઇ રહ્યો છે. ઘણા અહેવાલો મુજબ તો ભારતમાં ત્રીજી લહેર શરૂ થઈ ગઈ હોય તેમ કહેવાય રહ્યું છે. પરંતુ આ મુદ્દે વૈજ્ઞાનિકો અને વિશ્લેષકોએ પ્રકાશ પાડ્યો છે કે ત્રીજી લહેર હજુ આવી નથી..!!

નિષ્ણાતો કહે છે કે, નવા કોવિડ કેસોમાં વધારો અને અસરકારક પ્રજનન સંખ્યા સૂચવે છે કે ચેપ કેટલો ઝડપથી ફેલાય છે – ઘણા રાજ્યોમાં ચિંતાજનક પરિસ્થિતિ છે પરંતુ આનાથી ગભરાશો નહીં. તેના બદલે માસ્ક અને રસી મેળવો. ત્રીજી તરંગની આ શરૂઆત જાહેર કરવી ખૂબ જ વહેલી છે. હજુ કોઈ નવી લહેર આવી નથી. હકીકતમાં, એવું પણ બની શકે છે કે બીજી લહેર સમાપ્ત થઈ નથી. ઘણા વૈજ્ઞાનિકોએ કહ્યું કે તેઓએ ભારતના કોવિડ ગ્રાફની નજીકથી દેખરેખ રાખી રહ્યા છે. આ વિશ્લેષણ મુજબ ભારતમાં કેસનો દર ફરી વધ્યો છે. પણ એનો મતલબ એ નથી કે ત્રીજી લહેર આવી ગઈ..!!

હરિયાણાની અશોકા યુનિવર્સિટીના ભૌતિકશાસ્ત્ર અને જીવવિજ્ઞાન વિભાગના પ્રોફેસર ગૌતમ મેનનના નિરીક્ષણ મુજબ, ઉત્તરપૂર્વમાં એક ઉદાહરણ તરીકે આ વાતને સમજીએ તો દિલ્હી સહિતના અન્ય ઉત્તરીય રાજ્યોમાં કેસ જોવા મળી રહ્યા છે પણ તે નિમ્ન સ્તરે છે. તે અર્થમાં, આપણે અગાઉની બીજી લહેરથી અલગ નવી કોવિડ તરંગની શરૂઆતને બદલે બીજી તરંગ ચાલુ રહેવાની શક્યતાને કેમ અવગણી શકીએ..?? ઉલ્લેખનીય છે કે ભારતની કોવિડ પરિસ્થિતિ મોટે ભાગે નિયંત્રણમાં છે. જો કે, 13 રાજ્યો/કેન્દ્રશાસિત પ્રદેશોએ ગયા અઠવાડિયે કોરોના વાયરસ ચેપમાં વધારો નોંધાવ્યો હતો. જેમાં કેરળમાં ભારતના દૈનિક નવા કેસોના અડધા નોંધાયા હતા.