અંતે 3 વર્ષ બાદ ચાઈનાએ તમામ આંતરરાષ્ટ્રીય બોર્ડર ખોલી નાખી !!!
કોરોનાથી બચવા માટે અંતે ચાઇનાએ ભારતીય જેનરીક દવાઓ ઉપર ભરોસો મુક્યો છે એટલુંજ નહીં ચાઈનાએ તેની તમામ આંતરરાષ્ટ્રીય બોર્ડર પણ ખુલી મૂકી દીધી છે. બીજી તરફ દવાની માંગમાં વધારો અને ઉછાળો જોવા મળ્યો છે. ડિસેમ્બરની શરૂઆતમાં કોવિડના કડક નિયમોમાં છૂટછાટ બાદથી ચાઇનમાં કોરોના કેસ અચાનક ખૂબ જ ઝડપથી વધી ગયા હતા, તજજ્ઞોનું માનવું છે કે ઝડપી કેસમાં વધારો થતાં ભારતીય દવાઓ અને વાયરસ ટેસ્ટ કિટની માગમાં વધારો થયો છે. આ જ કારણ છે કે દવાઓ બનાવતી કંપનીઓ ઉત્પાદન વધારી રહી છે. ભારતીય કંપનીઓ ચીનને વધુ દવાઓ આપવા તૈયાર છે.
ભારત વિશ્વનો સૌથી મોટો ડ્રગ ઉત્પાદક દેશ છે. ફાર્માસ્યુટિકલ્સ એક્સપોર્ટ પ્રમોશન કાઉન્સિલ ઓફ ઈન્ડિયાના અધ્યક્ષ સાહિલ મુંજલે જણાવ્યું છે કે ફાર્માસ્યુટિકલ કંપનીઓ આઈબુપ્રોફેન અને પેરાસિટામોલ માટે પ્રશ્નો મેળવી રહી છે. ભારતીય જેનરિક દવાઓ બ્રાન્ડેડ દવાઓ કરતાં 4 ગણી સસ્તી છે. તેથી જ ચીનમાં તેમની ખૂબ માંગ છે સામે વિશ્વસનીય અને ગુણવત્તામાં પણ વધારો થયો છે.
ચીનના લોકો ભારતની જેમ જ દવાઓ શોધી રહ્યા છે. ચીનમાં, ભારતમાં બનેલી એન્ટિ-કોવિડ જેનરિક દવાઓ, ખાસ કરીને ફાઈઝરની દવા પેક્સલોવિડ, ચીનમાં સૌથી વધુ વેચાઈ રહી છે. તેને લેવા માટે તમારે એક સપ્તાહ અગાઉથી બુકિંગ કરવું પડશે. ભારતીય જેનેરિક દવાઓના સ્ટોકની અછતને કારણે ચીનમાં ઈ-કોમર્સ પ્લેટફોર્મ અને મેડિકલ સ્ટોર્સે પ્રી-સેલ મોડ શરૂ કરી દીધો હતો.આ દવાઓ દુકાનોમાંથી ખરીદવી મુશ્કેલ બની ગઈ છે. કેટલાક ઓનલાઈન ઈ-કોમર્સ પ્લેટફોર્મે પણ ભારે માંગને કારણે ભારતીય જેનરિક દવાઓ સંબંધિત કીવર્ડ્સને બ્લોક કરી દીધા છે.
આ તે સમય છે જ્યારે દવાઓ ચીનમાં હોટ કેકની જેમ વેચાઈ રહી છે.હાલમાં ચીનના બજારમાં 4 પ્રકારની એન્ટી-કોવિડ ભારતીય જેનરિક દવાઓ વેચાય છે. તેમાં પ્રિમોવીર, પેક્સિસ્ટા, મોલનુનેટ અને મોલનાટ્રીસનો સમાવેશ થાય છે. આમાંથી પ્રથમ બે ફાઈઝર પેક્સલોવિડની જેનરિક દવાઓ છે. પાકસીસ્ટાનું નિર્માણ ભારતીય કંપની હિટેરો ની પેટાકંપની અઝીસ્ટા દ્વારા કરવામાં આવે છે. બાકીની બે દવાઓ મર્કની મોલનુપીરાવીર માટે જેનરિક છે. બીજી તરફ ચાઇનાએ તમામ બોર્ડર ખોલી નાખી છે જેથી પર્યકટકો પોતાના દેશમાં જઈ શકે. ક્વોરન્ટાઇન નિયમો પણ હળવા બનાવવામાં આવ્યા છે.
ભારતીય જેનેરિક દવાઓ આ વર્ષે એપ્રિલથી ચીન, હોંગકોંગ, મકાઓ અને તાઈવાનમાં અત્યંત લોકપ્રિય બની છે. નવેમ્બરમાં ઝીરો-કોવિડ પોલિસી અચાનક પાછી ખેંચી લીધા પછી, ઓર્ડરમાં તેજી આવી અને એક મહિના કરતાં પણ ઓછા સમયમાં 50,000 થી વધુ બોક્સ વેચાઈ ગયા.ચીનના નિષ્ણાંતો સવાલ ઉઠાવે છે કે ટેકનોલૉજીમાં ચીનથી પાછળ રહેલું ભારત સસ્તી દવાઓ બનાવવા માટે સક્ષમ કેમ છે, જે ચીન પૂરી તાકાતથી પણ કરી શકતું નથી. દરમિયાન લોકો ભારતીય જેનરિક દવાઓને ગેરકાયદેસર, બનાવટી, મોટા સલામતી જોખમો સાથે બિનઅસરકારક તરીકે ફગાવી દે છે, પરંતુ જોખમ પણ લે છે.
