Abtak Media Google News

અંધાધૂંધ ફાયરિંગમાં ગંભીર રીતે ઇજાગ્રસ્ત થયેલા ૯ લોકોને સારવાર અર્થે ખસેડાયા 

જમ્મુ-કાશ્મીરના રાજૌરી ગામમાં નવા વર્ષ પર આતંકવાદીઓએ નાપાક હરકત કરી હતી. તેમણે મુસ્લિમ બહુમતી ધરાવતા વિસ્તારમાં આવેલા ત્રણ હિંદુ ઘરોને નિશાન બનાવ્યા હતા અને અંધાધૂંધ ફાયરિંગ કર્યું હતું. જેમાં ચાર લોકોના મોત થયા હતા જ્યારે નવથી વધુ ગંભીર રીતે ઘાયલ થયા હતા. તેમને તાત્કાલિક નજીકની હોસ્પિટલમાં લઈ જવાયા હતા. જ્યાં સારવાર ચાલી રહી છે.

નવા વર્ષની સાંજે આતંકવાદીઓએ જમ્મુ-કાશ્મીરના રાજૌરીથી ૧૦ કિમી દૂર આવેલા અપર ધાંગરીના પહાડી ગામમાં અંધાધૂંધ ગોળીબાર કર્યો હતો. જેમાં ઓછામાં ઓછા ૪ ગ્રામજનોના મોત નીપજ્યા હતા જ્યારે નવથી વધુ લોકો ગંભીર રીતે ઈજાગ્રસ્ત થયા હતા. આતંકવાદીઓ એસયુવીમાં આવ્યા હતા અને રામ મંદિરથી આશરે ૫૦ મીટર દૂર આવેલા ત્રણ ઘર પર ફાયરિંગ કર્યું હતું.’સ્થાનિકો તાત્કાલિક ઈજાગ્રસ્તોને રાજૌરીમાં આવેલી સરકારી મેડિકલ કોલેજમાં લઈ ગયા હતા, જ્યાં પહોંચતાં જ ત્રણ લોકોને મૃત જાહેર કરાયા હતા. ‘ઈજાગ્રસ્તોને હાલ સારવાર આપવામાં આવી રહી છે. તેમના શરીર પર ઘણી ગોળીઓ વાગી છે’, તેમ ડો. મેડિકલ સુપ્રીટેન્ડેન્ટ ડો. મેહમૂદે જણાવ્યું હતું હતું. તેમાંથી એકનું મોડી રાત્રે મોત થયું હતું.

સૂત્રોએ જણાવ્યું હતું કે, જે ત્રણ મકાનોને નિશાન બનાવવામાં આવ્યા હતા, તે મુસ્લિમ બહુમતી ધરાવતા રાજૌરી વિસ્તારમાં હિંદુ રહેવાસીઓના હતા. પોલીસ, આર્મી અને પેરામિલ્ટ્રી જવાનો તેમજ જિલ્લા વહીવટીતંત્રના અધિકારીઓ ઘટનાસ્થળે પહોંચ્યા હતા. જમ્મુ ઝોનના એડીજીપી મુકેશ સિંહે જાનહાનિની પુષ્ટિ કરી હતી. આ વિસ્તારમાં શોધ શરૂ કરવામાં આવી છે’, તેમ મુકેશ સિંહે કહ્યું હતું.

મૃતકો પૈકી ત્રણ લોકોની ઓળખ હાલ તંત્ર દ્વારા જાહેર કરી દેવામાં આવી છે. જેમાં સતીશકુમાર(ઉ.વ. ૪૫), દીપક કુમાર(ઉ.વ.૨૩), પ્રીતમ લાલ(ઉ.વ. ૫૭) છે. ઉપરાંત એક વ્યક્તિનું મોડી રાતે હોસ્પિટલમાં સારવાર દરમિયાન મોત નીપજ્યું હતું જેની હાલ ઓળખ જાહેર કરવામાં આવી નથી.

આતંકવાદીઓ ગામમાં અથવા નજીકના જંગલોમાં છુપાયેલા હોવાના ઘણા વિરોધાભાસી રિપોર્ટ્સ હતા. હુમલામાં કેટલા આતંકવાદીઓ સામેલ હતા તે હજી સ્પષ્ટ થયું નથી. કેટલાક લોકોએ તેમ પણ કહ્યું હતું કે, બે આતંકવાદીઓ એસયુવી લઈને ગામમાં ઘૂસ્યા હતા અને લોકો પર ફાયરિંગ કર્યા બાદ નાસી ગયા હતા.

નવા વર્ષના પહેલા જ દિવસે આતંકવાદી હુમલાથી જમ્મુ-કાશ્મીર હચમચી ઉઠ્યું હતું. આતંકવાદીઓએ સાંજે મધ્ય કાશ્મીરના શ્રીનગર જિલ્લામાં હવાલ ચોક પાસે સીઆરપીએફ બંકર પર ગ્રેનેડ ફેંક્યો હતો. જો કે, નિશાન ચૂકી જતાં રસ્તા પર વિસ્ફોટ થયો હતો, જેમાં સમીર અહેમદ મલ્લા નામના એક સ્થાનિક નાગરિકને ઈજા પહોંચી હતી.

બુધવારે જમ્મુ બહાર આવેલા સિદરા પાસે એક કલાક સુધી ચાલેલા ફાયરિંગમાં પાકિસ્તાની લશ્કર-એ-તૈયબાના ચાર આતંકવાદીઓના મોત થયા હતા, તેઓ ટ્રક દ્વારા કાશ્મીરમાં ઘૂસવાનો પ્રયાસ કરી રહ્યા હતા. તેમની પાસેથી સાત એકે-૪૭ રાઈફલ, એક એમ-૪ રાઈફલ અને ગ્રેનેડ મળી આવ્યા હતા. ૨૬ ડિસેમ્બરે, પોલીસે જમ્મુ ક્ષેત્રના ઉધમપુર જિલ્લાના જંગલમાંથી મળી આવેલા ૧૦ કિલોથી વધુ આરડીએક્સ અને છરાથી ભરેલા આઈઈડીને ડિફ્યૂઝ કર્યા હતા. આતંકવાદીઓએ પ્રજાસત્તાક દિવસ અને જમ્મુ-કાશ્મીરમાં ચૂંટણી જેવા કાર્યક્રમ દરમિયાન ઘૂસણખોરી કરી ફાયરિંગ કરવા માટે જાણીતા છે. ચૂંટણી પંચે માર્ચ ૨૦૨૩માં પંચાયત, ડીડીસી અને મ્યુનિસિપલ કોર્પોરેશનની ચૂંટણીની જાહેરાત કરી છે.

ગત વર્ષે સ્વતંત્રતા દિવસ પહેલા, આતંકવાદીઓએ રાજૌરી જિલ્લામાં આર્મી કેમ્પ પર હુમલો કર્યો હતો અને ૧૧ ઓગસ્ટના રોજ ચાર જવાનોને મારી નાખ્યા હતા. ૧૨ ઓગસ્ટ, ૨૦૨૧ ના રોજ, રાજૌરી જિલ્લામાં ભાજપના કાર્યકર્તાના ઘર પર ગ્રેનેડ હુમલામાં એક બાળકનું મૃત્યુ થયું હતું જ્યારે સાત લોકો ઘાયલ થયા હતા.

મુસ્લિમ બહુમતી ધરાવતા ગામમાં હિંદુઓના ઘર પર કરાયું ફાયરિંગ

જે ત્રણ મકાનોને નિશાન બનાવવામાં આવ્યા હતા, તે મુસ્લિમ બહુમતી ધરાવતા રાજૌરી વિસ્તારમાં હિંદુ રહેવાસીઓના હતા. પોલીસ, આર્મી અને પેરામિલ્ટ્રી જવાનો તેમજ જિલ્લા વહીવટીતંત્રના અધિકારીઓ ઘટનાસ્થળે પહોંચ્યા હતા. જમ્મુ ઝોનના એડીજીપી મુકેશ સિંહે જાનહાનિની પુષ્ટિ કરી હતી. આ વિસ્તારમાં શોધ શરૂ કરવામાં આવી છે’, તેમ મુકેશ સિંહે કહ્યું હતું.

૨૮મીએ ઠાર મરાયેલા લશ્કરના ૪ આતંકીઓના મોતનો બદલો લેવા હુમલો કર્યાનું પ્રાથમિક અનુમાન

બુધવારે જમ્મુ બહાર આવેલા સિદરા પાસે એક કલાક સુધી ચાલેલા ફાયરિંગમાં પાકિસ્તાની લશ્કર-એ-તૈયબાના ચાર આતંકવાદીઓના મોત થયા હતા, તેઓ ટ્રક દ્વારા કાશ્મીરમાં ઘૂસવાનો પ્રયાસ કરી રહ્યા હતા. તેમની પાસેથી સાત એકે-૪૭ રાઈફલ, એક એમ-૪ રાઈફલ અને ગ્રેનેડ મળી આવ્યા હતા. ૨૬ ડિસેમ્બરે, પોલીસે જમ્મુ ક્ષેત્રના ઉધમપુર જિલ્લાના જંગલમાંથી મળી આવેલા ૧૦ કિલોથી વધુ આરડીએક્સ અને છરાથી ભરેલા આઈઈડીને ડિફ્યૂઝ કર્યા હતા.

આતંકીઓએ સીઆરપીએફ બંકર પર ગ્રેનેડ હુમલો કર્યો: સદનસીબે કોઈ જાનહાની નહીં

નવા વર્ષના પહેલા જ દિવસે આતંકવાદી હુમલાથી જમ્મુ-કાશ્મીર હચમચી ઉઠ્યું હતું. આતંકવાદીઓએ સાંજે મધ્ય કાશ્મીરના શ્રીનગર જિલ્લામાં હવાલ ચોક પાસે સીઆરપીએફ બંકર પર ગ્રેનેડ ફેંક્યો હતો. જો કે, નિશાન ચૂકી જતાં રસ્તા પર વિસ્ફોટ થયો હતો, જેમાં સમીર અહેમદ મલ્લા નામના એક સ્થાનિક નાગરિકને ઈજા પહોંચી હતી.

© 2011 - 2024 Abtak Media. Designed by ePaper Solution.