2023નું નવુ વર્ષ નવી તાજગી અને સ્ફૂર્તિનો સંચાર લઈને આવી રહ્યુ છે. નવા વર્ષની શરૂઆત થતા જ દરેક વ્યક્તિના મનમાં નવા વિચારોનો સંચય થાય છે ત્યારે હવે દેશ અને દુનિયામા પણ કંઇક અવનવી ઘટનાઓ પણ નવીનતા લાવી શકે છે. તો ચાલો જાણીએ કઇ કઇ ઘટનાઓ આપણને રોમાંચિત કરી શકે છે.
- જાન્યુઆરી: જયપુર લિટરેચર ફેસ્ટ 2023
વિશ્વ સાહિત્યમાં નોંધપાત્ર હાજરી આપનાર JLFની સોળમી આવૃત્તિ 19-23 જાન્યુઆરી દરમિયાન યોજાશે. આ વખતે 20 ભારતીય ભાષાઓ અને 14 આંતરરાષ્ટ્રીય ભાષાઓને સ્થાન આપવામાં આવશે. - ફેબ્રુઆરી: G-20 જૂથની બેઠક
G-20 જૂથના કલ્ચર વર્કિંગ ગ્રુપની બેઠક ખજુરાહો (MP)માં 23 થી 25 ફેબ્રુઆરી દરમિયાન યોજાશે. જેમાં પીએમ મોદી સામેલ થશે. આ પહેલા 13 થી 15 ફેબ્રુઆરી દરમિયાન ઈન્દોરમાં એગ્રીકલ્ચર વર્કિંગ ગ્રુપની બેઠક યોજાશે. - માર્ચ: મહિલા આઈપીએલ 2023
IPLની તર્જ પર હવે મહિલા IPL શરૂ થવાની રાહ પૂરી થઈ ગઈ છે. મહિલા IPL માર્ચમાં શરૂ થશે જેમાં પાંચ ટીમો ભાગ લેશે. ટુર્નામેન્ટમાં કુલ 20 લીગ મેચો રમાશે, જેમાં ટીમો બે વખત એકબીજા સામે ટકરાશે. - એપ્રિલ: ઇન્ટરનેશનલ જેમ્સ એન્ડ જ્વેલરી શો
01-03 એપ્રિલના રોજ જયપુરમાં યોજાશે. શોમાં, દેશભરના ઝવેરીઓ સોનાની સાથે ડાયમંડ, મીના, પોલ્કી અને કુંદનથી બનેલી તેમની નવીનતમ જ્વેલરી ડિઝાઇનનું પ્રદર્શન કરે છે. આ શો 50,000 કરોડ રૂપિયાનો બિઝનેસ કરે તેવી આશા છે. - મે: સ્પેસ સ્ટેશન સ્કાયલેબને 50 વર્ષ પૂર્ણ થયા છે
અમેરિકાનું પ્રથમ સ્પેસ સ્ટેશન સ્કાયલેબ 50 વર્ષ પહેલા 14 મે, 1973ના રોજ લોન્ચ કરવામાં આવ્યું હતું. નાસાના રિપોર્ટ અનુસાર, 1977-78 દરમિયાન અવકાશમાં સૌર વાવાઝોડાને કારણે તેની પેનલ બળી ગઈ હતી. ધીમે ધીમે તેનું એન્જિન બંધ થઈ ગયું અને પછી સમાચાર આવ્યા કે સ્કાયલેબ ધરતી પર પડવા જઈ રહી છે. - જૂન: ચંદ્રયાન 3 2023 માં લોન્ચ થશે
ભારત જૂન, 2023માં ચંદ્ર પર ચંદ્રયાન 3 મિશન લોન્ચ કરવાની યોજના બનાવી રહ્યું છે. આ વાહન ચંદ્રની સપાટી વિશે જાણવા માટે લેન્ડિંગ મોડ્યુલ અને રોબોટિક રોવર સાથે ઉડાન ભરશે. ભારત પ્રથમ વખત 2008માં ચંદ્રયાન 1 સાથે ચંદ્ર પર પહોંચ્યું હતું. - જુલાઈ: FIFA મહિલા વિશ્વ કપ 2023
FIFA મહિલા વિશ્વકપની નવમી સિઝન 20 જુલાઈથી યોજાશે, તે FIFA સભ્ય દેશોની રાષ્ટ્રીય ટીમો વચ્ચે રમાશે. ટુર્નામેન્ટમાં 32 ટીમો ભાગ લેશે. યુએસએ 2015 અને 2019 માં જીત્યું હતું, તેથી બે વખત ડિફેન્ડિંગ ચેમ્પિયન તરીકે પ્રવેશ કરશે. - ઓગસ્ટ: તેજસ્વી સુપરમૂન
અર્થસ્કાય અનુસાર, 2023માં 31 ઓગસ્ટે સૌથી નજીકનો અને સૌથી તેજસ્વી સુપરમૂન જોવા મળશે. નાસા અનુસાર, સુપરમૂન સામાન્ય ચંદ્ર કરતાં 17 ટકા મોટો અને 30 ટકા વધુ તેજસ્વી દેખાય છે. - સપ્ટેમ્બર: સંરક્ષણ અને ટેક એક્સ્પો
ચેન્નાઈમાં 3 થી 5 સપ્ટેમ્બર દરમિયાન એશિયાના સૌથી મોટા સંરક્ષણ પ્રદર્શનમાં વિશ્વ ભારતની સૈન્ય શક્તિની તાકાત જોશે. તે સ્વદેશી શસ્ત્રો, સંરક્ષણ સાધનો અને તકનીકોનું પ્રદર્શન કરશે. DRDOની આગેવાની હેઠળના કેટલાક ભારતીય ઉદ્યોગો જે સંરક્ષણ પ્રણાલી, રડાર, સોનાર, મિસાઈલ, એરક્રાફ્ટ વગેરે ક્ષેત્રોમાં કામ કરે છે તેઓ તેમના ઉત્પાદનો પ્રદર્શિત કરશે. - ઑક્ટોબર: ક્રિકેટ વર્લ્ડ કપ 2023
ICC ક્રિકેટ વર્લ્ડ કપની 13મી સિઝન ભારતમાં ઓક્ટોબર અને નવેમ્બરમાં યોજાશે. આ પહેલીવાર છે જ્યારે તે સંપૂર્ણપણે ભારતમાં યોજાશે. 2011 વર્લ્ડ કપ સંયુક્ત રીતે શ્રીલંકા, ભારત અને બાંગ્લાદેશમાં યોજાયો હતો. છેલ્લી સીઝનમાં ઇંગ્લેન્ડ વિજેતા થયુ હતું. - નવેમ્બર:54મો આંતરરાષ્ટ્રીય ફિલ્મ ફેસ્ટિવલ
ભારતના ગોવામાં 20 થી 28 નવેમ્બર દરમિયાન યોજાશે. ભારત સહિત દુનિયાભરમાંથી ફિલ્મ ઈન્ડસ્ટ્રી સાથે જોડાયેલા લોકો સામેલ છે. - ડિસેમ્બર: એશિયાની સૌથી લાંબી ઝોજિલા પાસ ટનલ
ઝોજિલા ટનલ લદ્દાખ અને જમ્મુ-કાશ્મીરમાં પૂર્ણ થવાની સંભાવના છે. લગભગ 2 કિમી લાંબી આ ટનલ ઝોજિલા પાસ વિસ્તારમાં કારગીલ્દ્રાસ-સોનમર્ગ વચ્ચે બનાવવામાં આવી રહી છે.
