ટંકારા તાલુકાના નેકનામ ગામે યુવક પરબે પાણી ભરવા જતા આ પાણી સવર્ણોનુ છે તેમ કહિ યુવક અને તેના પિતાને એક શખ્સ માર મારી બારસો રૂપિયાની લુંટ કરી નાશી ગયો હતો. આ સમગ્ર બાબતે ટંકારા પોલીસે ફરિયાદ નોંધી કાયદેસરની કાર્યવાહી હાથ ધરી છે.
મળતી માહિતી મુજબ ટંકારા તાલુકાના નેકનામ ગામે રહેતા પરેશભાઈ ખેંગારભાઈ ચાવડાનો દિકરો મેહુલ નેકનામ ગામના પરબે આર.ઓ પ્લાંટનુ પાણી ભરવા ગયેલ હોય ત્યારે એજ ગામના છત્રપાલસિંહ ઉર્ફે સતો ઇન્દુભા ઝાલાએ ત્યાં મેહુલને વાળ પકડી દિવાલ સાથે માથુ ભટકાડી માર માર મારતો હોય આ દરમ્યાન ફરિયાદી પોતાના દિકરા મેહુલને કેરબા સાયકલમા રખાવવા જતા હતા ત્યારે આરોપી પોતાના દીકરાને માર મારતો હોય વચ્ચે પડી છોડાવેલ અને આરોપીને તમે મારા દિકરાને શા માટે મારો છો એવુ પુછતા આરોપીએ આ સવર્ણનુ પાણીનુ પરબ છે તમારે અહિ પાણી ભરવા આવવુ નહિ તેવુ કહી જાતિ પ્રત્યે હડધુત કરી ફરિયાદી સાથે ઝપાઝપી કરી ફરિયાદીના ખીસ્સામા રહેલ રોકડ રૂપીયા બારસોની લૂંટ કરી નાશી ગયો હતો. આ બનાવ અંગે ભોગ પરેશભાઈએ આરોપી વિરુદ્ધ ટંકારા પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આરોપી વિરુદ્ધ એટ્રોસીટી એકટ કલમ મુજબ ગુન્હો નોંધી કાયદેસરની કાર્યવાહી હાથ ધરી છે.
