હાલ જમાનો બહુજ ઝડપી થઈ ગયો છે તેથી ખાનપાન પણ ખૂબ જ બદલાય ગયું છે અને તેના કારણે વ્યક્તિ જેમ તેમ જમે છે કે ક્યારેક તો બે વસ્તુને ભેગી કરીને પણ જમી લે છે પણ જો દૂધ-દહી સાથે ક્યારેય આ વસ્તુઓ જમસો તો થઈ જશો બીમાર.
મોટાભાગના લોકો બે કે તેથી વધુ ખોરાક એકસાથે ખાવાનું પસંદ કરે છે. તેમને તે વધુ ટેસ્ટી અને હેલ્ધી લાગે છે, પરંતુ અમે તમને જણાવી દઈએ કે કેટલાક ફૂડ કોમ્બિનેશન છે જે પેટને બગાડીને તમને બીમાર કરવાનું કામ કરે છે. અહીં અમે તમને એવા જ કેટલાક ફૂડ કોમ્બિનેશન વિશે જણાવી રહ્યા છીએ, જે એકસાથે પેટ અને સ્વાસ્થ્ય માટે આફત બની શકે છે.
- ઘણીવાર લોકો નાસ્તામાં દૂધ સાથે દલિયા ખાય છે અને એક ગ્લાસ નારંગીનો રસ પીવો પસંદ કરે છે. આ મિશ્રણ પેટનું ફૂલવાનું કારણ બની શકે છે. આનું કારણ એ છે કે દૂધ પચવામાં સમય લે છે અને મસાલેદાર અને ખાટી વસ્તુઓ ખાવાથી અથવા પીવાથી દૂધ જામ થઈ શકે છે. આનાથી હાર્ટબર્ન, એસિડ રિફ્લક્સ અને પેટનું ફૂલવું થઈ શકે છે.
- આયુર્વેદ અનુસાર દહીં સાથે માછલી ખાવાથી પાચનક્રિયા પર અસર પડે છે. દહીં દૂધમાંથી બનાવવામાં આવે છે અને જ્યારે માછલી અથવા માંસ જેવા પ્રોટીનના માંસાહારી સ્ત્રોત સાથે લેવામાં આવે છે, તો પાચનમાં ખલેલ પડી શકે છે. કહેવાય છે કે આ ફૂડ કોમ્બિનેશનથી ત્વચાના રોગો પણ થઈ શકે છે.
- મોટાભાગના લોકો માને છે કે દૂધ સાથે કેળા ખાવાથી સ્નાયુઓ મજબૂત થાય છે, પરંતુ આ મિશ્રણથી અપચો અને પેટમાં ભારેપણું આવી શકે છે. દૂધ અને કેળા બંનેને પચવામાં ઘણો સમય લાગે છે, જેનાથી પેટ ફૂલી શકે છે.
- આયુર્વેદ અનુસાર કેળા સાથે દૂધ લેવાથી શરીરમાં ઝેરી તત્વો વધી શકે છે. આના કારણે શરીરના અનેક કાર્યોમાં ખલેલ પડી શકે છે. આયુર્વેદ માને છે કે કેળાની સાથે દૂધ લેવાથી શરીરમાં ભારેપણું આવે છે અને મગજની પ્રવૃત્તિ ધીમી પડે છે.
- પિઝા, સેન્ડવીચ સાથે કોલ્ડ ડ્રિંક ન હોય તો મજા નથી આવતી. પનીર સાથેના ઠંડા પીણાને સૌથી સ્વાદિષ્ટ મિશ્રણ માનવામાં આવે છે. પરંતુ તે પાચનને બગાડે છે ગેસ અને પેટમાં દુખાવો કરી શકે છે.
