આકાશમાં ખગોળીય ઘટના ઉલ્કાવર્ષા સાથે જોવા મળશે
ઓફબીટ ન્યૂઝ
ઓક્ટોબર મહિનામાં આકાશમાં ઘણી ખગોળીય ઘટનાઓ જોવા મળશે. જો તમને આ ઘટનાઓમાં રસ છે, તો તે આકાશ તરફ જોવાનો સમય છે. આ મહિનામાં ઘણી નાની-મોટી ઉલ્કાવર્ષા જોવા મળશે. તમને દુર્લભ ગ્રહણ જોવાનો મોકો પણ મળશે. તે 9 અને 10 ઓક્ટોબરે શરૂ થશે, જ્યારે ડ્રેકોનિડ્સ ઉલ્કાવર્ષા તેની ટોચ પર હશે.
એક અહેવાલ મુજબ, ડ્રેકોનિડ્સ ઉલ્કાવર્ષા ડ્રેકો નક્ષત્રમાંથી ઉદ્ભવે છે. આ ઉલ્કાવર્ષા નરી આંખે પણ જોઈ શકાય છે. જો કે, આ માટે તમારે એવી જગ્યા પસંદ કરવી પડશે જ્યાં પ્રકાશનું પ્રદૂષણ ન હોય એટલે કે ગાઢ કાળી રાત દેખાતી હોય. ડ્રેકોનિડ્સ ઉલ્કાવર્ષામાં દર કલાકે 10 જેટલી ઉલ્કાઓ જોઈ શકાય છે. જોકે, 2011માં પ્રતિ કલાક 600 જેટલી ઉલ્કા જોવા મળી હતી.
આ સિવાય 14 ઓક્ટોબરે ‘રિંગ ઓફ ફાયર’ સૂર્યગ્રહણ જોવા મળશે, જે આ વર્ષ અને મહિનાની સૌથી મોટી ખગોળીય ઘટના હશે. રીંગ ઓફ ફાયર દરમિયાન ચંદ્ર સમગ્ર સૌર ડિસ્કને અવરોધિત કરતું નથી. ચંદ્રનો પડછાયો બાહ્ય પરિઘ સિવાય સૂર્યની મોટાભાગની ડિસ્કને આવરી લે છે. જેના કારણે આકાશમાં અગ્નિનું સુંદર વર્તુળ દેખાય છે.
NASAના જણાવ્યા અનુસાર, શનિવાર, 14 ઓક્ટોબર, 2023 ના રોજ સમગ્ર ઉત્તર અમેરિકામાં વલયાકાર સૂર્યગ્રહણ દેખાશે. રિંગ ઓફ ફાયર ઓરેગોનથી ટેક્સાસ સુધી અમેરિકાના 8 રાજ્યોને પાર કરશે. આ સૂર્યગ્રહણ ઘરે બેસીને મફતમાં ઓનલાઈન જોઈ શકાશે. ભારતીય સમય અનુસાર રાત્રે લગભગ 8.30 વાગ્યે રિંગ ઓફ ફાયર શરૂ થશે. વધુમાં, ઓરિઓનિડ્સ ઉલ્કાવર્ષા 21 અને 22 ઓક્ટોબરે તેની ટોચ પર હશે. આકાશમાં દર કલાકે 20 જેટલી ઉલ્કાઓ જોઈ શકાય છે. ભારતીય સમય અનુસાર, તે રાત્રે 10:30 થી સવારે 6:30 વચ્ચે જોઈ શકાય છે.
