આતંકવાદને પનાહ આપનાર પાકિસ્તાન ભેખડે ભરાયું

લોઢાને લોઢું જ કાપે, તેમ તાલિબાનો આતંકીઓ ઉપર તૂટી પડ્યા છે

તાલીબાનોએ આઈએસઆઈએસના આઠ આતંકવાદીઓને ઢેર કરી નાખ્યા, નવને જીવતા પકડ્યા

અબતક, નવી દિલ્હી : તાલિબાનો હવે ભારતની સાથે રહેવાનું પસંદ કરી રહ્યા છે જેથી જ તેઓ આતંકવાદથી દુરી બનાવી રહ્યા છે અને પાકિસ્તાન પ્રત્યે વિરોધનો સુર ઉઠાવી રહ્યા છે. જે અનુસંધાને તાલીબાનોએ આઈએસઆઈએસના આઠ આતંકવાદીઓને ઢેર કરી નાખ્યા છે અને નવને જીવતા પકડ્યા છે. આવું કરીને તાલીબાનોએ વિશ્વને સંદેશ આપ્યો છે કે તે આતંકવાદના વિરોધી છે.

અફઘાનિસ્તાનમાં શાસક તાલિબાને ઈસ્લામિક સ્ટેટ આઈએસઆઈએસના આઠ આતંકવાદીઓને મારી નાખ્યા છે અને અન્ય નવની ધરપકડ કરી છે.  તાલિબાન સરકારના પ્રવક્તા ઝબીઉલ્લા મુજાહિદે જણાવ્યું હતું કે રાજધાની અને પશ્ચિમ નિમરોઝ પ્રાંતમાં આઈએસના આતંકવાદીઓને નિશાન બનાવીને દરોડા પાડવામાં આવ્યા હતા.  આ આતંકવાદીઓએ તાજેતરમાં જ કાબુલમાં લોગાન હોટેલ, પાકિસ્તાની દૂતાવાસ અને મિલિટરી એરપોર્ટ પર હુમલા કર્યા હતા.  મુજાહિદે કહ્યું કે વિદેશી નાગરિકો સહિત આઠ આતંકવાદીઓ માર્યા ગયા.  કાબુલમાં સાત આતંકવાદીઓની ધરપકડ કરવામાં આવી હતી, જ્યારે નિમરોઝ પ્રાંતમાં એક ઓપરેશનમાં બે આતંકવાદીઓ ઝડપાયા હતા.

એક સરકારી પ્રવક્તાએ ટ્વિટ કરીને જણાવ્યું હતું કે, “ચીની હોટલ પરના હુમલામાં આ સભ્યોની મુખ્ય ભૂમિકા હતી અને વિદેશી આઈએસ આતંકવાદીઓને અફઘાનિસ્તાનમાં પ્રવેશવાનો માર્ગ મોકળો કર્યો હતો.” પાસ દ્વારા રવિવારે થયેલા ઘાતક બોમ્બ વિસ્ફોટની જવાબદારી સ્વીકારવામાં આવી હતી.  આઈએસએ કહ્યું કે આ હુમલો એ જ આતંકવાદીએ કર્યો હતો જેણે ડિસેમ્બરના મધ્યમાં લોંગન હોટલ પર હુમલો કર્યો હતો.

આઈએસઆઈએસએ અબ્દુલ જબ્બાર તરીકે ઓળખાતા હુમલાખોરની તસવીર જાહેર કરી છે.  આતંકવાદી સંગઠને કહ્યું કે દારૂગોળો ખતમ થઈ જતાં તે હોટલમાં હુમલામાંથી બચી ગયો હતો.  સંગઠને એમ પણ કહ્યું કે તેણે ચેકપોઇન્ટની નજીક સૈનિકોને નિશાન બનાવીને તેનું વિસ્ફોટક ભરેલા જેકેટમાં વિસ્ફોટ કર્યો.  મુજાહિદે કહ્યું કે તાલિબાન સુરક્ષા દળોએ શાહદાઈ સાલેહીન વિસ્તારમાં આઈએસના એક ઠેકાણા પર દરોડા પાડ્યા અને હળવા હથિયારો, ગ્રેનેડ, જેકેટ્સ અને વિસ્ફોટકો જપ્ત કર્યા.

અમેરિકા પાસેથી સહાય મેળવવા પાકિસ્તાનનું આતંક સામેની લડાઈનું નાટક!!

પાકિસ્તાનની સેના અફઘાનિસ્તાનમાં ઘૂસીને તહરીક-એ-તાલિબાનના આતંકવાદીઓ સામે કાર્યવાહી કરવાની તૈયારી કરી રહી છે.  છેલ્લા કેટલાક દિવસોથી દેશમાં આતંકી હુમલા વધી રહ્યા છે.  આ હુમલાઓમાં ટીટીપી સામેલ હોવાનું કહેવાય છે.  બીજી તરફ અફઘાનિસ્તાનની ગુપ્તચર સંસ્થાના વડા અને દેશના પૂર્વ ઉપરાષ્ટ્રપતિ અમરુલ્લાહ સાલેહના જણાવ્યા અનુસાર પાકિસ્તાન માત્ર ટીટીપીનો ઉપયોગ કરી રહ્યું છે.  તેનો હેતુ અમેરિકાની મદદ મેળવવાનો છે અને આ મદદ મેળવવા માટે તે આટલી મોટી રમત રમી રહ્યું છે.

કરાચી સ્થિત એક સંગઠન અનુસાર, ટીટીપીએ અત્યાર સુધી પાકિસ્તાની એજન્સીઓને નિશાન બનાવીને 150 આતંકી હુમલા કર્યા છે. આ એજન્સીઓને માહિતી આપવામાં આવી હતી કે ફાટામાં આતંકવાદ વિરોધી ઓપરેશન હાથ ધરવામાં આવનાર છે.  સાલેહના કહેવા પ્રમાણે, પાકિસ્તાને ટીટીપીના નામે જાળ બિછાવી છે.

સાલેહે કહ્યું છે કે ટીટીપી અને રાવલપિંડીએ હાથ મિલાવ્યા છે અને ખૈબર પખ્તુનખ્વામાં તેમની નીતિઓને આગળ ધપાવવામાં આવી રહી છે.  તેમણે પ્રદેશમાંથી ગાયબ થયેલા નેતાઓનો પણ ઉલ્લેખ કર્યો જેઓ પાકિસ્તાની સૈન્યના અત્યાચાર સામે અવાજ ઉઠાવી રહ્યા હતા.