- UAE ના ક્રાઉન પપ્રિન્સે કહ્યું કે અમે આ વર્ષના ‘વર્લ્ડ ગવર્નમેન્ટ સમિટ’ના સન્માનિત મહેમાન અને ભારતના પ્રજાસત્તાકના વડા પ્રધાન નરેન્દ્ર મોદીનું હૃદયપૂર્વક સ્વાગત કરીએ છીએ.
- ભારતીયોને સંબોધિત કરતી વખતે PM મોદીએ પોતાના ભાષણની શરૂઆત નમસ્કારથી કરી હતી. તેમણે કહ્યું કે તમે લોકોએ (ભારતીયો) ઈતિહાસ રચ્યો છે.
National News : વડા પ્રધાન નરેન્દ્ર મોદી મંગળવારે (13 ફેબ્રુઆરી, 2024) બે દિવસની મુલાકાત માટે સંયુક્ત આરબ અમીરાત (UAE) પહોંચ્યા, જ્યાં PMનું ઉષ્માભર્યું સ્વાગત કરવામાં આવ્યું. આ દરમિયાન પીએમ મોદીએ ‘અહલાન મોદી’ કાર્યક્રમના મેદાનમાં ભારતીયોને સંબોધિત કર્યા હતા.
PM મોદીનું ઉષ્માભેર સ્વાગત કરતા તેમને ‘ગેસ્ટ ઓફ ઓનર’ બનાવવામાં આવ્યા હતા અને બુર્જ ખલીફા તિરંગાના રંગોમાં જોવા મળ્યો હતો. દરમિયાન, યુએઈના ક્રાઉન પ્રિન્સ હમદાન બિન મોહમ્મદે પણ PM મોદીનું સ્વાગત કરતા તેમના સત્તાવાર એક્સ હેન્ડલ પર પોસ્ટ કર્યું.
We extend a warm welcome to the Republic of India, the guest of honour at this year’s World Governments Summit, and to His Excellency Narendra Modi, the Prime Minister of India. The strong ties between our nations serve as a model for international cooperation.
The… pic.twitter.com/enMaunw4oT— Hamdan bin Mohammed (@HamdanMohammed) February 13, 2024
UAE ના ક્રાઉન પ્રિન્સ હમદાન બિન મોહમ્મદે X પર લખ્યું કે અમે આ વર્ષના ‘વર્લ્ડ ગવર્નમેન્ટ સમિટ’ના સન્માનિત મહેમાન અને ભારતના પ્રજાસત્તાકના વડા પ્રધાન નરેન્દ્ર મોદીનું હૃદયપૂર્વક સ્વાગત કરીએ છીએ. આપણા દેશો વચ્ચેનો આ મજબૂત સંબંધ આંતરરાષ્ટ્રીય સહયોગ માટે એક મોડેલ તરીકે કામ કરશે. આ સાથે તેમણે ‘વર્લ્ડ ગવર્નમેન્ટ સમિટ’ને એક મોટું પ્લેટફોર્મ ગણાવ્યું હતું.
‘તમે લોકોએ ઈતિહાસ રચ્યો છે’, PM મોદી
ભારતીયોને સંબોધિત કરતી વખતે PM મોદીએ પોતાના ભાષણની શરૂઆત નમસ્કારથી કરી હતી. તેમણે કહ્યું કે તમે લોકોએ (ભારતીયો) ઈતિહાસ રચ્યો છે. તેમણે કહ્યું કે હું સંદેશ લાવ્યો છું કે દેશની જનતાને તમારા પર ગર્વ છે. આ 140 કરોડ ભારતીય ભાઈ-બહેનોનો સંદેશ છે.
PM મોદીએ કહ્યું કે જ્યારે તેઓ UAEના રાષ્ટ્રપતિ અને તેમના ભાઈ શેખ મોહમ્મદ બિન જાયદ અલ નાહયાનને મળે છે ત્યારે તેઓ ભારતીયોના વખાણ કરે છે. નાહયાન યુએઈના વિકાસમાં તમારી ભૂમિકાની પણ પ્રશંસા કરે છે.
તેમના સંબોધન દરમિયાન, PM એ કહ્યું કે ભારત-UAE સંબંધો સમુદાય અને સંસ્કૃતિની દ્રષ્ટિએ વિશ્વ માટે એક મોડેલ છે. આ સાથે તેમણે કહ્યું કે અમારા ત્રીજા કાર્યકાળમાં ભારતની અર્થવ્યવસ્થા વિશ્વમાં ત્રીજા સ્થાને પહોંચી જશે. આ મારી ગેરંટી છે.
