દેશમાં 44 વર્ષ પહેલાં જ આજના જ દિવસે ઈમરજન્સી લાગુ કરવામાં આવી હતી. તે અંદાજે 2 વર્ષ પછી પૂરી થઈ હતી. ઈમરજન્સીને યાદ કરતાં વડાપ્રધાન નરેન્દ્ર મોદી અને ગૃહ મંત્રી અમિત શાહે ઈમરજન્સી વિરુદ્ધ સંઘર્ષ કરનાર સેના અધિકારીઓને યાદ કર્યા છે. રક્ષામંત્રી રાજનાથ સિંહે ટ્વિટ કરીને આને લોકતંત્રનો કાળો અધ્યાય ગણાવ્યો છે.
બીજી બાજુ બંગાળના મુખ્યમંત્રી મમતા બેનર્જીએ ઈમરજન્સીના બહાને કેન્દ્ર સરકાર પર આકરા પ્રહાર કર્યા છે. તેમણે કહ્યું છે કે, દેશ છેલ્લા પાંચ વર્ષથી એક મહા ઈમરજન્સીમાંથી પસાર થઈ રહ્યો છે. આપણે લોકતત્રની પ્રતિષ્ઠા માટે લડવું જોઈએ.
India salutes all those greats who fiercely and fearlessly resisted the Emergency.
India’s democratic ethos successfully prevailed over an authoritarian mindset. pic.twitter.com/vUS6HYPbT5
— Narendra Modi (@narendramodi) June 25, 2019
મોદીએ ઈમરજન્સીનો એક વીડિયો પોસ્ટ કર્યો છે. તેની સાથે લખ્યું છે કે, “દેશ તે દરેક સેના અધિકારીને સલામ કરે છે જેણે ઈમરજન્સીનો વિરોધ કર્યો હતો. આપણો લોકતંત્ર વિચાર એક અધિનાયકવાદી માનસિકતા પર સંપૂર્ણ હાવી રહ્યો હતો.” શાહે લખ્યું હતું કે, “1975માં આજના જ દિવસે માત્ર પોતાના રાજકીય હિત માટે લોકતંત્રની હત્યા કરવામાં આવી હતી.
દેશવાસીઓ પાસેથી તેમના મૂળભુત અધિકારીઓ છીનવી લેવામાં આવ્યા હતા. ન્યૂઝપેપરને તાળા લગાવી દેવામાં આવ્યા હતા. લાખો રાષ્ટ્રભક્તોએ લોકતંત્રને પુન:સ્થાપિત કરવા માટે ઘણી મુશ્કેલી સહન કરી હતી. તે દરેક સેનાનીને મારા નમન.”
