બીઝનેસ ન્યુઝ
દરેક મહિલાએ બચત કરવાની આદત કેળવવી જોઈએ. ભલે તે નોકરી કરતી હોય કે ગૃહિણી હોય, જો તે ધીમે ધીમે પૈસા બચાવે અને રોકાણ કરે તો તેને ઘણો નફો મળી શકે છે.
રોકાણ એક સારી આદત છે અને પૈસા વધારવામાં પણ ખૂબ મદદરૂપ છે. આજે તમને એવી જ પાંચ સ્કીમ વિશે જણાવી રહ્યા છીએ જેમાં કોઈ પણ પ્રકારનું જોખમ નથી રહેતું અને જમા કરવામાં આવેલા પૈસા પર સારું વળતર પણ મળે છે. આ તમામ યોજનાઓ ખાસ કરીને મહિલાઓ માટે સારી છે. આ યોજનાઓમાં કોઈપણ પ્રકારનું બજાર જોખમ નથી.
મહિલા સન્માન બચત યોજના પણ મહિલાઓ માટે રોકાણ કરવા માટેનો શ્રેષ્ઠ વિકલ્પ છે. આ યોજના મુખ્યત્વે મહિલાઓ માટે જ બનાવવામાં આવી છે. આ યોજનામાં મહિલાઓ 2,000,00 રૂપિયા સુધીનું રોકાણ કરી શકે છે. આ સ્કીમ પર તમને 7.5 ટકા વ્યાજ મળે છે. આ સ્કીમમાં તમારે વધુમાં વધુ 2 વર્ષ માટે રોકાણ કરવું પડશે. આ સ્કીમ મજબૂત વળતર આપે છે અને તેમાં કોઈપણ પ્રકારનું બજાર જોખમ સામેલ નથી.
જો તમે પોસ્ટ ઓફિસમાં પૈસા જમા કરવા માંગો છો, તો તમને આવા ઘણા વિકલ્પો મળે છે. અમે અહીં જે યોજનાઓ વિશે વાત કરવા જઈ રહ્યા છીએ તે ખાસ કરીને મહિલાઓ માટે વધુ સારી માનવામાં આવે છે. જો મહિલાઓ આ યોજનાઓમાં પૈસા જમા કરાવે છે, તો તેમને કર લાભો એટલે કે આવકવેરામાંથી મુક્તિ પણ મળે છે.
નેશનલ સેવિંગ સ્કીમ પણ મહિલાઓ માટે એક શ્રેષ્ઠ વિકલ્પ છે. તમે આ સ્કીમમાં 1000 રૂપિયાથી રોકાણ શરૂ કરી શકો છો. તેના પર તમને 7.7 ટકા સુધી વ્યાજ મળે છે. તમારે 5 વર્ષ માટે રોકાણ કરવું પડશે અને તમને જબરદસ્ત વળતર પણ મળશે.
પબ્લિક પ્રોવિડન્ટ ફંડ હંમેશા રોકાણ માટે શ્રેષ્ઠ વિકલ્પ માનવામાં આવે છે. મહિલાઓ પણ તેમાં નાણાંનું રોકાણ કરીને પોતાનું ભવિષ્ય સુરક્ષિત કરી શકે છે. આ યોજના હેઠળ મહિલાઓને 7 ટકાથી વધુ વ્યાજ મળે છે. જો તમે લાંબા સમય સુધી તેમાં રોકાણ કરો છો, તો થોડા સમય પછી તમને જબરદસ્ત વળતર મળે છે. તમે આ સ્કીમમાં દર વર્ષે 100,000 રૂપિયા સુધીનું રોકાણ કરી શકો છો. જો તમે 15 વર્ષ સુધી સતત આ સ્કીમમાં 1 લાખ રૂપિયાનું રોકાણ કર્યું છે, તો 15 વર્ષ પછી તમને લાખો રૂપિયાનો નફો મળી શકે છે.
સુકન્યા સમૃદ્ધિ યોજના દીકરીઓ માટે એક ઉત્તમ વિકલ્પ છે. આમાં 10 વર્ષ સુધીની છોકરીઓ માટે એકાઉન્ટ ખોલાવી શકાય છે. આ ખાતામાં ઉપલબ્ધ મહત્તમ રોકાણ વિકલ્પ રૂ. 250 થી રૂ. 1.5 લાખ સુધીની છે. હાલમાં સરકાર આ યોજના હેઠળ રોકાણ પર 8 ટકા વ્યાજ આપી રહી છે.
