શાહરૂખ ખાન ઘણા વર્ષોથી તેની ફિલ્મો દ્વારા વિશ્વભરના દર્શકોનું મનોરંજન કરી રહ્યો છે. વર્ષ 2023માં તે 4 વર્ષ પછી મોટા પડદા પર પાછો ફર્યો અને સતત 3 સુપરહિટ ફિલ્મો આપીને સાબિત કર્યું કે તે બોલિવૂડનો અસલી રાજા છે.
શાહરૂખ ખાને એક જ વર્ષમાં 3 બેક ટુ બેક હિટ ફિલ્મો ‘પઠાણ’, ‘જવાન’ અને ‘ડિંકી’ આપીને સાબિત કરી દીધું છે કે તે બોલિવૂડનો બાદશાહ છે. સુપરસ્ટારની ત્રણેય ફિલ્મોએ બોક્સ ઓફિસ પર ઘણા રેકોર્ડ બનાવ્યા અને તોડ્યા. શાહરૂખ ખાનને વર્ષ 2023 માટે ‘ઇન્ડિયન ઓફ ધ યર એવોર્ડ’થી સન્માનિત કરવામાં આવ્યો હતો. તેમની સ્પીચમાં તેમણે તેના ફ્રેન્સને મોટીવેશનલ વાતો કરી હતી.
શાહરૂખ ખાનને ખુશનુમા પાત્ર ભજવવું ગમે છે
શાહરૂખ ખાને ‘ઇન્ડિયન ઓફ ધ એવોર્ડ્સ’ દરમિયાન કહ્યું હતું કે વ્યક્તિએ શાંત રહેવું જોઈએ અને સખત મહેનત કરવી જોઈએ. તેણે કહ્યું, ‘હું એક એવી વ્યક્તિ છું જેને રોમાન્ટિક રોલ ગમે છે. હું માનું છું કે સારા કામનું પરિણામ હંમેશા સારું જ આવે છે. હું ખુશનુમા પાત્ર ભજવું છું. થોડા વર્ષો પહેલા મારી કેટલીક ફિલ્મો ફ્લોપ ગઈ હતી. કેટલાક લોકોએ કહ્યું કે મારો સમય પૂરો થઈ ગયો છે. ઘણી એવી નેગેટીવ બાબતો હતી જેણે મને શાંત રહેતા અને સન્માન સાથે કામ કરવાનું શીખવ્યું.
‘ડંકી’ 500 કરોડની કમાણી તરફ આગળ વધી રહી છે
તમને જણાવી દઈએ કે શાહરૂખ ખાનની વર્ષ 2023ની ત્રીજી ફિલ્મ ‘ડંકી’એ 20માં દિવસે 1.30 કરોડ રૂપિયાની કમાણી કરી લીધી હતી. ફિલ્મ અત્યાર સુધી બોક્સ ઓફિસ પરથી 219.27 કરોડ રૂપિયાની કમાણી કરવામાં સફળ રહી છે. આ ફિલ્મ વૈશ્વિક બોક્સ ઓફિસ પર 500 કરોડ રૂપિયાની કમાણી તરફ આગળ વધી રહી છે.
નવી દિલ્હીના તાજ પેલેસમાં એવોર્ડ શો યોજવામાં આવ્યો હતો. શાહરૂખ ખાન, મણિરત્નમ, જાવેદ અખ્તર ઉપરાંત નીરજ ચોપરા, અંજુ બોબી જ્યોર્જ સહિત અનેક હસ્તીઓએ આ ઈવેન્ટમાં હાજરી આપી હતી.
