સિંગાપોરના કોઇન્સ્ટોર નામના એક્સચેન્જની ભારતમાં એન્ટ્રી : નવી દિલ્હી, મુંબઈ અને બેંગ્લોરમાં ઓફિસો કાર્યરત કરાશે
ક્રિપ્ટો ઉપર અંકુશની વાતો વચ્ચે પણ કંપનીએ ભારતમાં એન્ટ્રી કરી, કંપનીએ સતાવર રીતે જાહેર કર્યું કે સરકાર ક્રિપ્ટો તરીકે હકારાત્મક વલણ અપનાવે તેવી આશા
અબતક, નવી દિલ્હી : ભારત સરકાર ક્રિપ્ટો કરન્સી ઉપર અંકુશ મુકવાની તૈયારીમાં છે. તેવામાં સિંગાપોર-બેસ્ટ વર્ચ્યુઅલ કરન્સી એક્સચેન્જે ભારતમાં તેના સેન્ટરો ખોલવાનું શરૂ કરી દીધું છે. આ એક્સચેન્જનું નામ કોઈન સ્ટોર છે. કોઈન સ્ટોરે તાજેતરમાં તેનું વેબ અને એપ્લિકેશન પ્લેટફોર્મ લોન્ચ કર્યું છે અને કંપની બેંગલુરુ, નવી દિલ્હી અને મુંબઈમાં કેટલીક શાખાઓ ખોલવાની યોજના ધરાવે છે.
કોઈન સ્ટોરના માર્કેટિંગ હેડ ચાર્લ્સ ટેન કહે છે કે તેમની એપ્લિકેશનના લગભગ ત્રીજા ભાગના વપરાશકર્તાઓ ભારતના છે. તેથી આવી સ્થિતિમાં કંપનીએ ભારતીય બજારમાં વિસ્તરણ કરવાનું યોગ્ય માન્યું. જ્યારે ભારતમાં ક્રિપ્ટોકરન્સી પર પ્રતિબંધ મૂકવાની વાત ચાલી રહી છે ત્યારે તેમની કંપની ભારતમાં તેના લોન્ચ વિશે ખાતરીપૂર્વક પૂછવામાં આવ્યું હતું, ત્યારે તેમણે કહ્યું હતું કે નીતિ થોડી ઉપર-નીચે હોઈ શકે છે, પરંતુ કંપનીને અપેક્ષા છે કે વસ્તુઓ હકારાત્મક રહેશે. ચાર્લ્સ ટેને કહ્યું કે તેઓ અપેક્ષા રાખે છે કે ભારત સરકાર ક્રિપ્ટોકરન્સી માટે તંદુરસ્ત માળખું રજૂ કરે.
ક્રિપ્ટોકરન્સીમાં રોકાણ અને વળતરની અપાર સંભાવનાઓ છે. વિશ્વની સૌથી મોટી ક્રિપ્ટોકરન્સી બિટકોઈન છેલ્લા 1 વર્ષમાં બમણાથી વધુ વધી ગઈ છે, જેના કારણે ભારતીય રોકાણકારોનું વલણ ક્રિપ્ટો તરફ વળ્યું છે. ક્રિપ્ટો ઉદ્યોગનો અંદાજ છે કે ભારતમાં ક્રિપ્ટોકરન્સીમાં રોકાણ કરનારા લોકોની સંખ્યા 15 મિલિયનથી 20 મિલિયનની વચ્ચે હોઈ શકે છે. આ લોકો પાસે લગભગ 400 અબજ રૂપિયાના ક્રિપ્ટો હોલ્ડિંગ પણ હોઈ શકે છે. ભારત ઉપરાંત, કોઈનસ્ટોર જાપાન, કોરિયા, ઈન્ડોનેશિયા અને વિયેતનામમાં પણ વિસ્તરણ કરવાની યોજના ધરાવે છે.
કોઈન સ્ટોર ભારતમાં 150 કરોડ ખર્ચશે, 100 કર્મચારીઓ રાખશે
ટેને જણાવ્યું હતું કે કોઇન સ્ટોર ભારતમાં 100 થી વધુ કર્મચારીઓ રાખવાની તૈયારી કરી રહ્યું છે. કંપનીએ ભારતીય બજારમાં ક્રિપ્ટો સંબંધિત ઉત્પાદનો અને સેવાઓના માર્કેટિંગ, હાયરિંગ અને ડેવલપમેન્ટ પર લગભગ 150 કરોડ ખર્ચવાની યોજના બનાવી છે. કોઈનસ્ટોર તાજેતરના મહિનાઓમાં ભારતીય બજારમાં પ્રવેશનાર બીજું વૈશ્વિક એક્સચેન્જ બની ગયું છે. અગાઉ સપ્ટેમ્બરમાં ક્રોસટાવર નામના એક્સચેન્જે ભારતમાં તેનું સ્થાનિક યુનિટ સ્થાપ્યું હતું.
