કોર્ટે અરજી ઉપર સુનાવણી કરવાની ના પાડી, હવે સરકાર કંઈક કરે તો ગાયનું રક્ષણ સઘન બને
સુપ્રીમ કોર્ટે ગાયને રાષ્ટ્રીય પ્રાણી જાહેર કરવા માટે કેન્દ્રને નિર્દેશ આપવાની માંગ કરતી અરજી પર સુનાવણી કરવાનો ઇનકાર કર્યો હતો. જો કે હવે ગૌ પ્રેમીઓ સરકાર ઉપર મીટ માંડીને બેઠી છે. કોર્ટ તરફથી તો નિરાશા મળી હવે સરકાર તરફથી ગૌ પ્રેમીઓને અપેક્ષા છે.
જસ્ટિસ એસકે કૌલ અને જસ્ટિસ અભય એસ ઓકાએ અરજીકર્તાને પૂછ્યું કે આનાથી કયો મૂળભૂત અધિકાર પ્રભાવિત થઈ રહ્યો છે. બેન્ચે કહ્યું કે શું આ કોર્ટનું કામ છે? તમે એવી અરજીઓ કેમ કરો છો કે અમારે તેને દંડ કરવો પડે? કયા મૂળભૂત અધિકારનું ઉલ્લંઘન થયું? તમે કોર્ટમાં આવ્યા હોવાથી, શું નકારાત્મક પરિણામને ધ્યાનમાં લીધા વિના આપણે આ કરવું જોઈએ?’
સર્વોચ્ચ અદાલત બિન-સરકારી સંસ્થા ગોવંશ સેવા સદન અને અન્ય દ્વારા ગાયને રાષ્ટ્રીય પ્રાણી તરીકે જાહેર કરવા માટે કેન્દ્રને નિર્દેશ આપવાની માંગ કરતી પીઆઈએલની સુનાવણી કરી રહી હતી. અરજદાર તરફથી હાજર રહેલા વકીલે કોર્ટમાં કહ્યું કે ગાયની સુરક્ષા ખૂબ જ મહત્વપૂર્ણ છે. ખંડપીઠે વકીલને ચેતવણી આપી હતી કે તે દંડ લાદશે, ત્યારબાદ તેણે અરજી પાછી ખેંચી લીધી અને મામલો કાઢી નાખવામાં આવ્યો.
