પ્રખ્યાત ટીવી શો ‘તારક મહેતા કા ઉલ્ટા ચશ્મા‘માં ‘રોશન સિંહ સોઢી‘નું પાત્ર ભજવનાર પ્રખ્યાત અભિનેતા ગુરચરણ સિંહ છેલ્લા 4 દિવસથી ગાયબ છે. મીડિયા રિપોર્ટ્સ અનુસાર, અભિનેતા થોડા દિવસો પહેલા તેના પિતાનો જન્મદિવસ ઉજવવા દિલ્હી ગયો હતો. તે 22 એપ્રિલ 2024ના રોજ દિલ્હીથી મુંબઈ પરત આવવાનો હતો. જોકે, તે મુંબઈ પહોંચ્યો ન હતો અને એરપોર્ટ પરથી જ ગુમ થઈ ગયો હતો.
ગુરચરણ સિંહ એરપોર્ટ પરથી ગાયબ થઈ ગયા..!
ગુરુચરણ સિંહના અચાનક ગુમ થવાના કારણે તેમના પરિવારજનો તેમજ ચાહકો ચિંતાતુર બની ગયા છે. અભિનેતાના પિતાએ તેમના પુત્રના ગુમ થવા અંગે પોલીસમાં ફરિયાદ નોંધાવી છે. રિપોર્ટમાં જણાવવામાં આવ્યું છે કે તેનો 50 વર્ષનો પુત્ર ફ્લાઇટ પકડવા માટે સવારે 8:30 વાગ્યે તેના દિલ્હીના ઘરેથી નીકળ્યો હતો, પરંતુ તે ન તો મુંબઈ પહોંચ્યો કે ન તો ઘરે પાછો આવ્યો.
ગુરુચરણ સિંહની છેલ્લી ઇન્સ્ટાગ્રામ પોસ્ટ
દરમિયાન ગુરુચરણ સિંહની છેલ્લી ઈન્સ્ટાગ્રામ પોસ્ટ સોશિયલ મીડિયા પર ઝડપથી વાયરલ થઈ રહી છે. તેની છેલ્લી ઇન્સ્ટા પોસ્ટ તેના પિતાના જન્મદિવસ માટે હતી. સોઢીએ એક વીડિયો પોસ્ટ કર્યો હતો જેમાં તેના પિતા સાથે ઘણા ફોટા શેર કર્યા હતા. આમાં તે તેની સાથે ખૂબ જ ખુશ દેખાય છે. આ શેર કરતી વખતે, ગુરુચરણે કેપ્શનમાં લખ્યું હતું – “ડિવાઈન બર્થડે તો ફાધર”. આ પોસ્ટ ચાર દિવસ પહેલા જ કરવામાં આવી હતી.
ગુરુચરણ સિંહની તબિયત ઘણા સમયથી ઠીક નથી..!
દરમિયાન, ગુરુચરણના મિત્ર સોનીએ પિંકવિલા સાથે વાત કરતાં જણાવ્યું કે તેનો ફોન 24 એપ્રિલ, 2024થી બંધ છે. તેણે એમ પણ કહ્યું છે કે મુંબઈ પોલીસમાં રિપોર્ટ પણ નોંધાવવામાં આવ્યો છે. તેમણે વધુમાં જણાવ્યું કે ગુરુચરણ સિંહની તબિયત ઘણા સમયથી ઠીક નથી.
સોઢીએ ‘તારક મહેતા કા ઉલ્ટા ચશ્મા‘ છોડી દીધી હતી
ગુરચરન સિંહે પ્રખ્યાત ટીવી કોમેડી શો તારક મહેતા કા ઉલ્ટા ચશ્મામાં ‘રોશન સિંઘ સોઢી‘નું પાત્ર ભજવ્યું હતું, જે પાર્ટી કરવાનું પસંદ કરતો હતો અને તેની પત્ની પ્રત્યેના પ્રેમને વ્યક્ત કરવામાં ક્યારેય ખચકાટ નહોતો અનુભવતો. અભિનેતાએ વર્ષ 2013માં એકવાર શો છોડી દીધો હતો પરંતુ દર્શકોની માંગને કારણે તે એક વર્ષ પછી શોમાં પાછો ફર્યો હતો.
આ કારણથી શો છોડ્યો હતો
ગુરુચરણ સિંહે વર્ષ 2020માં તારક મહેતા કા ઉલ્ટા ચશ્મા શોને હંમેશ માટે છોડી દીધો હતો. વર્ષ 2021 માં, અભિનેતાએ જણાવ્યું હતું કે તેણે ‘તારક મહેતા કા ઉલ્ટા ચશ્મા‘ કેમ છોડી દીધી હતી. તેણે કહ્યું હતું કે તે જ સમયે તેના પિતાની સર્જરી થઈ હતી અને તેણે પણ પોતાના જીવનમાં કેટલીક બાબતોનું ધ્યાન રાખવાનું હતું. તે પોતાના પરિવારને સમય આપવા માંગતો હતો.
