દેશની કઈ કોલેજ સૌથી સર્વશ્રેષ્ઠ ? તમારે કઈ કોલેજમાં મેળવવો જોઈએ પ્રવેશ ? જાણો NIRFની યાદી

દેશની ઉચ્ચ શિક્ષણ સંસ્થાઓની NIRF રેન્કિંગ જે દર વર્ષે તૈયાર કરવામાં આવે છે. તેમાં સંસ્થાઓના શિક્ષણ અને સંસાધનો, સ્નાતક પરિણામો, સંશોધન અને વ્યાવસાયિક પદ્ધતિઓ અને પહોંચનો સમાવેશ છે. રોગચાળાને કારણે શૈક્ષણિક સંસ્થાઓ બંધ હોવાથી ડેટા મેળવવામાં વિલંબને કારણે આ વર્ષે NIRF રેન્કિંગ જાહેર કરવામાં વિલંબ થયો છે. ગયા વર્ષે NIRF રેન્કિંગ 10 જૂને જ બહાર પાડવામાં આવ્યું હતું.

કેન્દ્રીય શિક્ષણ મંત્રી ધર્મેન્દ્ર પ્રધાને દેશભરમાં ઉચ્ચ શિક્ષણ સંસ્થાઓની એન.આઈ.આર.એફ રેન્કિંગ 2021 જાહેર કરી. રેન્કિંગ જાહેર કરતા શિક્ષણ મંત્રીએ કહ્યું, “હું 11 કેટેગરીમાંથી એનઆઈઆરએફ રેન્કિંગ 2021 જાહેર કરવામાં ખુશ છું. હું તમામ રેન્કિંગ સંસ્થાઓને અભિનંદન આપું છું. આજે દેશમાં 50 હજારથી વધુ ઉચ્ચ શિક્ષણ સંસ્થાઓ અને 50 મિલિયન વિદ્યાર્થીઓ છે. તેમના માટે આ રેન્કિંગ ખુબ મહત્વનું છે.”

આ વર્ષની એનઆઈઆરએફ રેન્કિંગ 2021 માં, આઈઆઈટી મદ્રાસ ફરી એકવાર સમગ્ર શ્રેણીમાં દેશની શ્રેષ્ઠ સંસ્થા બની છે. તે જ સમયે, યુનિવર્સિટી કેટેગરીમાં, IISc બેંગ્લોર આ વર્ષે પણ પ્રથમ સ્થાને છે અને JNU બીજા સ્થાને છે. એ જ રીતે, IIT મદ્રાસ એન્જિનિયરિંગ કેટેગરીમાં દેશની શ્રેષ્ઠ સંસ્થા છે. ત્યારબાદ IIT દિલ્હી અને ત્યારબાદ IIT બોમ્બેએ સ્થાન મેળવ્યું છે.

તેવી જ રીતે, મેનેજમેન્ટ કેટેગરીમાં IIM અમદાવાદ, IIM બેંગ્લોર અને IIM કલકત્તા દેશની ત્રણ શ્રેષ્ઠ મેનેજમેન્ટ કોલેજો છે. તે જ સમયે, મિરાન્ડા હાઉસ, એલએસઆર દિલ્હી મહિલા માટે અને લોયોલા કોલેજ ચેન્નઈએ દેશની ત્રણ શ્રેષ્ઠ કોલેજોમાં સ્થાન પ્રાપ્ત કર્યુ છે.

ફાર્મસી કેટેગરીમાં જામિયા હમદર્દ, નવી દિલ્હી પ્રથમ ક્રમે, પંજાબ યુનિવર્સિટી ચંદીગઢ બીજા સ્થાને અને NIPER મોહાલી ત્રીજા સ્થાને છે. તે જ સમયે, મેડિકલ કેટેગરીમાં, AIIMS દિલ્હી પ્રથમ સ્થાને, PGIMER ચંદીગઢ બીજા અને ક્રિશ્ચિયન મેડિકલ કોલેજ, વેલ્લોર ત્રીજા સ્થાને છે.

પ્રથમ વખત વર્ચ્યુઅલ મોડમાં રેન્કિંગ બહાર પડાયુ !

કેન્દ્રીય શિક્ષણ મંત્રી ધર્મેન્દ્ર પ્રધાન દ્વારા 9 સપ્ટેમ્બર 2021 ના ​​રોજ વર્ષ 2021 માટે નેશનલ ઇન્સ્ટિટ્યુશનલ રેન્કિંગ ફ્રેમવર્ક (NIRF) રેન્કિંગ જાહેર કરવામાં આવ્યુ છે. શિક્ષણ મંત્રી NIRF રેન્કિંગ 2021 ને વર્ચ્યુઅલ મોડમાં બહાર પાડી રહ્યા છે, જે શિક્ષણ મંત્રાલયના સોશિયલ મીડિયાની યુટ્યુબ ચેનલ પર સૂચિત સમયે લાઈવ જોઈ શકાશે. બુધવાર, 8 સપ્ટેમ્બર 2021 ના ​​રોજ કેન્દ્રીય શિક્ષણ મંત્રાલય દ્વારા જારી કરવામાં આવેલા અપડેટ મુજબ, શિક્ષણ મંત્રી 9 સપ્ટેમ્બરના રોજ બપોરે 12 વાગ્યે એનઆઈઆરએફ દ્વારા તૈયાર કરવામાં આવેલી ભારતીય શૈક્ષણિક સંસ્થાઓની રેન્કિંગ જાહેર કરશે.

NIRF રેન્કિંગ 2021 ને શિક્ષણ મંત્રીએ કુલ 11 કેટેગરીમાં રિલીઝ કરી હતી, જેમાં સંશોધનની નવી શ્રેણી ઉમેરી હતી. સંશોધન ઉપરાંત એકંદરે, યુનિવર્સિટી, મેનેજમેન્ટ, કોલેજ, ફાર્મસી, મેડિકલ, એન્જિનિયરિંગ, આર્કિટેક્ચર, ARIIA (ઇનોવેશન સિદ્ધિઓ પર સંસ્થાઓની અટલ રેન્કિંગ) અને કાયદો.આ બધી કેટેગરી નો પણ સમાવેશ કરાયો છે.

છેલ્લા વર્ષની ટોચની સંસ્થાઓની વાત કરીએ તો, IIT મદ્રાસ એકંદર એન્જિનિયરિંગ કેટેગરીમાં દેશની શ્રેષ્ઠ સંસ્થા હતી. તે જ સમયે, IISc બેંગ્લોરએ યુનિવર્સિટી કેટેગરીમાં ટોચની સંસ્થામાં સ્થાન પ્રાપ્ત કર્યું હતું, ત્યારબાદ જવાહરલાલ નેહરુ યુનિવર્સિટી (JNU), મૌલાના આઝાદ ઇન્સ્ટિટ્યુટ ઓફ ડેન્ટલ સાયન્સએ શ્રેષ્ઠ ડેન્ટલ કોલેજમાં સ્થાન પ્રાપ્ત કર્યું, AIMS દિલ્હીને શ્રેષ્ઠ મેડિકલ કોલેજ, NLSIU બેંગ્લોરને શ્રેષ્ઠ લોકોલેજ તરીકે પસંદ કરવામાં આવી હતી. IIM અમદાવાદએ મેનેજમેન્ટ કેટેગરીમાં ટોચનું સ્થાન મેળવ્યું હતું આ ઉપરન ઉપરાંત IIT ખડગપુર આર્કિટેક્ચર કેટેકેટેગરીમાં શ્રેષ્ઠ સંસ્થા હતી.