જોરાવરનગર જંક્શન પાસે રહેતી મહિલાએ સાસરિયાના ત્રાસથી કંટાળીને લીંબડી પોલીસ મથક સામે ઝેરી દવા ગટગટાવી લીધી હતી. પોલીસને ઘટના અંગે જાણ થતા મહિલાને સારવાર અર્થે લીંબડી સરકારી હોસ્પિટલે ખસેડી હતી. જ્યાં મહિલાને પ્રાથમિક સારવાર આપી વધુ સારવાર અર્થે સુરેન્દ્રનગર ખસેડાઈ હતી.જોરાવરનગર જંક્શન પાસે રહેતી રેશમાબેન વાઘેલાના 20 વર્ષ પહેલા ખેડા રહેતા રાજુભાઈ વાઘેલા સાથે થયા હતા. સાસરિયાના ત્રાસથી કંટાળીને રેશમાબેન થોડા દિવસોથી ખેડાથી જોરાવરનગર પિયરમાં રહેવા આવી ગયા હતા. એકાદ બે દિવસ પહેલા જમાઈ રાજુએ સસરાને ફોન કરીને પત્ની રેશમાને ખેડા મોકલી દેવાની વાત કરી હતી. રેશમાના પિતાએ પુત્રીને સાસરીમાં જવા અંગે સમજાવી હતી. ગુરુવારે સવારે જોરાવરનગરથી રેશમા લીંબડી આવી હતી. બસ સ્ટેન્ડમાં 2 કલાક બેસી રહ્યા બાદ રેશમા લીંબડી પોલીસ મથકની સામે પીજીવીસીએલની ડિવિઝન ઓફિસ બહાર પહોંચી રેશમાએ ઝેરી દવા ગટગટાવી લીધી હતી. પોલીસ મથકે જાણ થતા સે.પીએસઆઈ કે.એચ.જનકટ, ચંદુભાઈ બાવળીયા સહિતના કર્મીઓ પોલીસ મથક બહાર દોડી આવ્યા હતા. 108 બોલાવી રેશમાને સારવાર અર્થે લીંબડી સિવિલમાં ખસેડી હતી. જ્યાં રેશમાને પ્રાથમિક સારવાર આપી વધુ સારવાર અર્થે સુરેન્દ્રનગર ખસેડવામાં આવી હતી.
Trending
- માંગરોળની જીવાદોરી ઓઝત ડેમમાં પાણી હોવા છતા પાણીના ધાંધીયા
- ચારધામ યાત્રા માટે 15 લાખથી વધુ શ્રઘ્ધાળુઓએ કરાવી નોંધણી
- ઘડિયાળ ઉદ્યોગના કાંટા “ઉંધા” ફરવાના શરૂ
- પાંચ હજાર વર્ષ જૂની કચ્છની અજરખ કળાને મળ્યું જીઆઇ ટેગ
- પ્રાથમિક-માધ્યમિક શિષ્યવૃતિની પરીક્ષામાં 2.80 લાખ વિધાર્થીઓ હાજર રહ્યા
- ‘તારાથી મારી ગાડી કેમ ચેક થાય?’: NSUI પ્રમુખે પોલીસકર્મીને માર માર્યાની ફરિયાદ
- મેડિકલ માલ-સામાનની આડમાં લાવવામાં આવેલો રૂ.16.43 લાખનો દારૂ કબ્જે
- નવા શૈક્ષણિક વર્ષની શરૂઆત પૂર્વે એડવાન્સ ફી વસૂલતિ અમદાવાદની શાળાને નોટિસ