સૌરાષ્ટ્ર યુનિવર્સિટીના પી.જી. અભ્યાસક્રમોમાં એડમિશન માટેના ફોર્મ ભરવાની છેલ્લી તારીખ ૩૦-૭-૨૦૨૦ નિયત કરવામાં આવેલ હતી. સૌરાષ્ટ્ર યુનિવર્સિટીના પી.જી. અભ્યાસક્રમોના એડમિશનના ફોર્મ ભરવાની તા. ૩૦-૭-૨૦૨૦ને બદલે વિદ્યાર્થી હિતમાં તા. ૧૫-૮-૨૦૨૦ સુધી વધારવાનો વિદ્યાર્થીલક્ષી નિર્ણય આજરોજ કુલપતિ ડો.નીતિનભાઈ પેથાણી તથા ઉપકુલપતિ ડો. વિજયભાઈ દેશાણી દ્વારા કરવામાં આવેલ છે. સૌરાષ્ટ્ર યુનિવર્સિટીની પી.જી.ની પરીક્ષાઓ તા.૪-૮-૨૦૨૦ થી શરુઆત થનાર છે. કોરોનાની મહામારીમાં તા. ૪-૮-૨૦૨૦ થી શરુ થનાર પી.જી.ની પરીક્ષાઓમાં વિદ્યાર્થીઓના આરોગ્યને ધ્યાને લઈ યુનિવર્સિટી દ્વારા દરેક પરીક્ષા કેન્દ્ર પર થર્મલ ગન તથા સેનેટાઈઝર આપવાનો નિર્ણય કુલપતિ ડો. નીતિનભાઈ પેથાણી તથા ઉપકુલપતિ ડો. વિજયભાઈ દેશાણી દ્વારા કરવામાં આવેલ છે. સૌરાષ્ટ્ર યુનિવર્સિટીના કુલપતિ-ઉપકુલપતિના કેન્દ્રસ્થાને હરહંમેશ વિદ્યાર્થીઓ જ રહેલા છે. સૌરાષ્ટ્ર યુનિવર્સિટીની પી.જી. પરીક્ષામાં તમામ પરીક્ષા કેન્દ્રમાં વિદ્યાર્થીઓનું થર્મલ ગનથી ટેમ્પરેચર ચેકીંગ કરવામાં આવશે. સાથે સાથે વિદ્યાર્થીઓને માસ્ક પહેરવું ફરજીયાત તથા સોસીયલ ડીસ્ટન્સીંગનું પાલન કરવામાં આવનાર છે. પરીક્ષા આપનાર તમામ વિદ્યાર્થીઓને રોગપ્રતિકારક શક્તિ વધે તે માટે સૌરાષ્ટ્ર યુનિવર્સિટી દ્વારા હોમીયોપેથીક દવાઓ તમામ પરીક્ષા કેન્દ્રો પર આપશે.
Trending
- આખરે નામ જાહેર…રાહુલ ગાંધી રાયબરેલીથી જ્યારે કિશોરી લાલ શર્મા અમેઠીથી મેદાને ઉતર્યા
- શુક્રવારે આ દેવીની પૂજા કરી, ધન, સંપત્તિ અને પ્રેમનું વરદાન મેળવો
- જીભ પર થતાં સફેદ ડાઘ ખતરાની નિશાની સમાન છે, ભૂલથી પણ આવગણશો નહીં…
- આજનું રાશિફળ: આ રાશિના જાતકોને સવાર બાજુ દોડધામ રહે અને સાંજ ખુશનુમા વીતે
- જાણો એવા ખોરાક વિશે જે તમારા દાંતને સ્વસ્થ રાખે છે.
- લગ્નની લાલચ આપી 17 વર્ષીય સગીરા પર નરાધમનો દુષ્કર્મ
- ચકચારી દુષ્કર્મ કેસમાં શાળાના આચાર્યનો નિર્દોષ છુટકારો
- ‘હરખપદુડા’ બોલવા મામલે પરેશ ધાનાણી વિરૂધ્ધ આચારસંહિતા ભંગની ફરિયાદ